ماہنامہ انوار مدینہ لاہور جنوری 2004 |
اكستان |
 |
دینی مسائل ( جماعت کے احکام ) لاحق اور مسبوق کے مسائل : لاحق وہ مقتدی ہے جس کی کچھ رکعتیں یا سب رکعتیں شریک جماعت ہونے کے بعد جاتی رہیں خواہ عذر کی وجہ سے مثلاً نماز میں سو جائے اور اس درمیان میں کوئی رکعت وغیرہ جاتی رہی یا لوگوں کی کثرت سے رکوع سجدہ نہ کر سکے یا وضو ٹوٹ جائے اور وضو کرنے کے لیے جائے اور اس درمیان میں اس کی رکعتیں وغیرہ جاتی رہیں یا بے عذر جاتی رہیں مثلاً امام سے پہلے کسی رکعت کا رکوع وسجدہ کرنے اور اس وجہ سے اس کی یہ رکعت کالعدم سمجھی جائے تو اس رکعت کے اعتبار سے وہ لاحق سمجھا جائے گا۔ جو مقیم مسافر کی اقتداء کرے اور مسافر قصر کرے تو یہ مقیم امام کے نماز ختم کرنے کے بعد لاحق ہے۔ مسئلہ : لاحق کو واجب ہے کہ پہلے ان رکعتوں کو ادا کرے جو اس کی جاتی رہی ہیں ۔اِن کو ادا کرنے کے بعد اگر جماعت باقی ہو تو شریک ہو جا ئے ورنہ باقی نماز پڑھ لے۔ مسئلہ : لاحق اپنی گئی ہوئی رکعتوں میں بھی مقتدی سمجھا جائے گا یعنی جیسے مقتدی قرأت نہیں کرتا ویسے ہی لاحق بھی قرأت نہ کرے بلکہ سکوت کیے ہوئے کھڑا رہے ۔اور جیسے مقتدی کو اگر سہو ہو جائے تو سجدہ سہو کی ضرورت نہیں ہوتی ویسے ہی لاحق کو بھی ضرورت نہیں۔ مسبوق یعنی جس کی ایک دورکعت یا زیادہ رہ گئی ہو۔ مسئلہ : مسبوق کو چاہیے کہ پہلے امام کے ساتھ شریک ہو کر جس قدر نماز باقی ہو جماعت سے ادا کرے۔ امام کی نماز ختم ہونے کے بعد کھڑا ہو جائے اپنی گئی ہوئی رکعتوں کو ادا کرے۔ مسئلہ : مسبوق کو اپنی گئی ہوئی رکعتیں منفرد کی طرح قرأت کے ساتھ ادا کرنا چاہئیں اور اگر ان رکعتوں میں کوئی سہو ہو جائے تو اُس کو سجدہ سہو بھی کرنا ضروری ہے۔ مسئلہ : مسبوق کواپنی گئی ہوئی رکعتیں اس ترتیب سے ادا کرنا چاہئیں کہ پہلے قرأت والی پھر بے قرأت کی اور جو رکعتیں اما م کے ساتھ پڑھ چکاہے ان کے حساب سے قعدہ کرے یعنی ان رکعتوں کے حساب سے جو دوسری ہو اُس میں پہلا قعدہ کرے اورجو تیسری رکعت ہو اور نماز تین رکعت والی ہو تو اس میں اخیر قعدہ کرے ،وعلی ہذا القیاس۔ مثال : ظہر کی نمازمیں تین رکعت ہوجانے کے بعد کوئی شخص شریک ہو اُس کو چاہیے کہ اما م کے سلام پھیردینے کے بعد