ماہنامہ انوار مدینہ لاہور جنوری 2004 |
اكستان |
 |
کھڑا ہو جائے اور گئی ہوئی تین رکعتیں اس ترتیب سے ادا کرے۔ پہلی رکعت میں سورہ فاتحہ کے بعد سورت ملا کر رکوع سجدہ کرکے پہلاقعدہ کرے اس لیے یہ رکعت اُس ملی ہوئی رکعت سے حساب سے دوسری ہے۔ پھر دوسری رکعت میں بھی سورہ فاتحہ کے ساتھ سورت ملائے اور اس کے بعد قعدہ نہ کرے اس لیے کہ یہ رکعت اس ملی ہوئی رکعات کے حساب سے تیسری ہے۔پھر تیسری رکعت میں سورہ فاتحہ کے ساتھ دوسری سورت نہ ملائے کیونکہ یہ رکعت قرأت کی نہ تھی اور اس میں قعدہ کرے کیونکہ یہ قعدہ اخیر ہے۔ مسئلہ : اگر کوئی شخص لاحق بھی ہو اور مسبوق بھی مثلاً کچھ رکعتیں ہو جانے کے بعد شریک ہوا اور شرکت کے بعدپھر کچھ رکعتیں اُس کی چلی جائیں تو ا س کو چاہیے کہ پہلے ان اپنی رکعتوں کو ادا کرے جو شرکت کے بعد گئی ہیں جن میں وہ لاحق ہے مگر ان کے ادا کرنے میں اپنے کو ایسا سمجھے جیسا وہ امام کے پیچھے نماز پڑھ رہا ہے یعنی قرأت نہ کرے اور امام کی ترتیب کا لحاظ رکھے۔ اس کے بعد اگر جماعت باقی ہوتو اس میں شریک ہو جائے ورنہ نماز بھی پڑھ لے ۔پھر اس کے بعد اپنی ان رکعتوں کو ادا کرے جن میں مسبوق ہے۔ مثال : عصر کی نمازمیں ایک رکعت ہو جانے کے بعد کوئی شخص شریک ہوا اور شریک ہونے کے بعد ہی اس کا وضو ٹوٹ گیا اور وضو کرنے گیا اس درمیان میں نماز ختم ہوگئی تو اس کوچاہیے کہ پہلے ان تینوں رکعتوں کو ادا کرے جو شریک ہونے کے بعد گئی ہیں پھر اس رکعت کو جو اس کے شریک ہونے سے پہلے ہو چکی تھی اور ان تینوں رکعتوں کو مقتدی کی طرح ادا کرے یعنی قرأت نہ کرے اور اِن تین کی پہلی رکعت میں قعدہ کرے۔ اسی لیے کہ یہ امام کی دوسری رکعت ہے اور امام نے اس میں قعدہ کیا تھا پھر دوسری رکعت میں قعدہ نہ کرے اس لیے کہ یہ امام کی تیسری رکعات ہے پھر تیسری رکعت میں قعدہ کرے اس لیے کہ یہ امام کی چوتھی رکعت ہے اور اس رکعت میں امام نے قعدہ کیا تھا۔ پھر اس رکعت کو ادا کرے جو اس کے شریک ہونے سے پہلے ہو چکی تھی اور اس میںقعدہ بھی کرے اس لیے کہ یہ اس کی چوتھی رکعت ہے اور اس رکعت میں اس کو قرأت بھی کرنا ہوگی اس لیے کہ وہ اس رکعت میں مسبوق ہے اور مسبوق اپنی گئی ہوئی رکعتوں کے ادا کرنے میں منفرد کا حکم رکھتا ہے۔(جاری ہے )