طواف کے ساتھ کرسکتا ہے یا اسکی طرف سے الگ طواف کرنا ہوگا ؟
ج : اپنے طواف کے ساتھ اسکی نیت بھی کرسکتا ہے اسطرح سے دونوں کا طواف ادا ہوجائیگا ۔ اور اسی طرح صفا مروہ کے درمیان سعی کرلی تو دونوں کی سعی ادا ہوجائیگی۔
س : جو بچہ سمجھ دار ہے اسکی نیت کے بارے میں کیا حکم ہے ؟
ج : وہ اپنی نیت خود کرے اسکوسمجھا دیا جائے اور الفاظ بتادیئے جائیں ۔
عمرہ کی کثرت سےکثرتِ طواف افضل ہے
س : حج وعمرہ سے فارغ ہونے کے بعد لوگ بکثرت عمرے کرتے ہیں انکے بارے میں کیا فرمان ہے ؟ ۔
ج : کثرت سے عمرے کرنا بھی اگرچہ ثواب کا کام ہے لیکن زیادہ عمرے کرنے کی بہ نسبت زیادہ طواف کرنا افضل ہے ( کوئی شخص تنعیم جائے اور وہاں عمرہ کا احرام باندھے پھر وہاں سے واپس آئے اور طواف وسعی کرے اور حلق یا قصر کرے تو اتنے وقت میں وہ ایک ہی طواف کرسکے گا یعنی عمرہ کا طواف ، لیکن اگر عمرہ نہ کرتا تو اتنے وقت میں دس بیس طواف کرلیتا ، لہٰذ۱ طواف کے زیادہ کرنے کی طرف توجہ دینی چاہئے ) ۔(غنیۃ الناسک ۲۰۰)
