دعا کیا کرو عاجزی کرتے ہوئے اور چپکے چپکے بے شک وہ حد سے تجاوز کرنے والوں کو نا پسند فرماتا ہے ۔( سورۃ الأعراف آیت نمبر ۵۵ ) ۔
ہر چکر کی الگ الگ دعائیں پڑھنے کا مسئلہ
س : عام طور سے کتابوں میں ہر چکر کی دعاء لکھی گئی ہے کیا اسکی کوئی اصل ہے ؟
ج : اسکی کوئی اصل نہیں ، احادیثِ شریفہ سے ہر چکر کی الگ الگ دعاء وارد نہیں ہوئی ۔
طواف میں مسنون دعائیں
س : طواف کے دوران احادیثِ شریفہ سے کیا کیا دعائیں ثابت ہیں ؟
ج :حضرت نبی اکرم ﷺ سے رکن یمانی اور حجر اسود کے درمیان وَمِنْهُمْ مَنْ يَقُولُ رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ (201) (البقرة: ٢٠١) پڑھنا ثابت ہے ۔ جیساکہ أبو داؤد ونسائی وغیرہ میں ہے اور حاکم نے مستدرک میں حدیث کو صحیح بتایا ہے۔ ( صححه الحاکم علی شرط مسلم ووافقه الذهبی ) اور ان دونوں کے درمیان یہ پڑھنا بھی ثابت ہے (( رَبِّ قَنِّعٔنِي بِمَا رَزَقٔتَنِي وَبَارِک لِي فِیه وَاخْلُفْ عَلیٰ کُلِّ غَائِبة لِي