معذورشخص طواف کیسے کرے
س : جو شخص ایسا مریض یا معذور ہو کہ طواف کرنے سے عاجز ہوتو کیا اسکی طرف سے کوئی نیابت کرسکتا ہے ؟
ج : نہیں اسکی نیابت نہیں ہوسکتی لیکن اسکو کھٹولہ پر اٹھا کر یاعربیہ( وہیل چیر) میں بٹھا کر طواف کر وایا جائے ۔
س : جو لوگ کھٹولہ پر اٹھا کر یاعربیہ( وہیل چیر) میں بٹھاکر طواف کراتے ہیں وہ لوگ اسکی اجرت لیتے ہیں اسکا کیا حکم ہے؟
ج : اسکی اجرت دینا اور کرانے والے کو اجرت لینا دونوں جائز ہیں ۔
س : عربیہ یا وھیل چیر میں بٹھاکر یا کھٹولہ میں اٹھاکر طواف کرانے والا اگر اپنے طواف کی نیت بھی کرلے تو کیا کرانے والے کابھی طواف ہوجائیگا ؟
ج : جی ہاں اگر نیت کرلی ہے تو اسکا طواف بھی ہوجائیگا ۔
س : جس کو کھٹولہ میں اٹھا کر طواف کرایا جارہاہے وہ بے ہوشی کی حالت میں ہے تو اسکی نیت کے بارے میں کیا حکم ہے؟
ج : اٹھا نے والا اسکی طرف سے نیت کریگا ۔
