س : بہت سی مرتبہ ایسا ہوتا ہے کہ خواتین ایام حیض میں ہونے کی وجہ سے طوافِ زیارت کرنے سے معذور ہوتی ہیں اور حج کے فوری بعد انکی سیٹ بُک ہوتی ہے اس حالت میں کیا کیا جائے ۔
ج : اس حالت میں ٹھیرنا لازم ہے طوافِ زیارت چھوڑکر جانا جائز نہیں اسکے محرم کو چاہئے کہ اسکے ساتھ ٹھہرے اور سیٹ کو مؤخر کروائے ۔
س : اگر عورت کا محرم ٹھیرنے کو تیار نہیں اور وہ اکیلی ٹھیر نہیں سکتی تو کیا کرے؟
ج : اگر ایسی مجبوری ہے تو طوافِ زیارت چھوڑکرجانے سے یہ اھون ہے کہ مضبوطی سے پیمپر باندھ کر طواف کرلے اور ایک سالم اونٹ یا ایک سالم گائے حدود حرم میں ذبح کرے اور استغفار وتوبہ بھی کرے ۔
س : اگر اونٹ یا گائے ذبح کرنے کی فوری استطاعت نہیں تو کیا کرے ؟
ج : اگر با آسانی اُدھار مل جائے اوراس کی ادائے گی کی مستقبل میں صورت بھی نظر آرہی ہو تو اُدھار لیکر ذبح کردے اور اگر اُدھار نہ مل سکے تو جب استطاعت ہو تو مکہ مکرمہ رقم بھجوادے اور کسی کو وکیل بنادے جو اسکی طرف سے ذبح کردے ۔
س : اگر کسی نے بلا وضو پورا یا اکثر طواف زیات کرلیا تو اسکا کیا حکم ہے؟
