س : کیاطواف سے فارغ ہوکر طواف کی دو رکعتیں پڑھتے وقت اضطباع ختم کردینا چاہئے؟
ج : جی ہاں طواف کی دو رکعتیں پڑھنے سے پہلے ہی دونوں کاندھے ڈھانک لینے چاہئیں اگرکوئی اضطباع کے ساتھ دوگانہ طواف پڑھے گا تو مکروہ ہوگا ۔
س : طواف ختم کرنے کے بعد دوگانہ طواف کب ادا کرنا چاہیئے ؟
ج :طواف ختم کرنے کے بعد بلا تاخیر طواف کی دو رکعت پڑھنا مسنون ہے ، اور تاخیر کرنا مکروہ ہے ، البتہ اگر وقت مکروہ ہو تو اس کے گزرجانے کے بعد پڑھے۔ (کتاب الحج ص۵۲)
س : دوگانہ طواف کہاں پڑھنی افضل ہے ؟ ۔
ج : مقام إبراہیم کے پیچھے پڑھنا أفضل ہے جیساکہ قرآن پاک فرمایا : { وَاتَّخِذُ وا من مَقَامِ إِبرَاهيم مُصَلَّی }
( ترجمہ ) اور مقامِ إبراہیم کو نماز پڑھنے کی جگہ بنالیا کرو ۔
اور حدیث شریف میں ہے کہ رسول اللہ ﷺ نے دوگانہ طواف اس طرح ادا فرمائی کہ مقام إبراہیم کو اپنے اور بیت اللہ کے درمیان کرلیا ۔
س :اگر مقام إبراہیم علیہ السلام کے پیچھے پڑھنے کا موقعہ نہ ہو تو کہاں پڑھے ؟
