قرب الہی کا اعلی مقام |
ہم نوٹ : |
|
کرے گا۔ یہ علاج حکیم الامت کا بتایا ہوا ہے، جس مجدد الملت کی برکت سے لاکھوں لوگ ولی بن گئے، بڑے بڑے گناہوں کی نجاستوں میں غرق لوگ نہ یہ کہ ولی ہوئے بلکہ ولی گربھی ہوئے، نہ یہ کہ صالح ہوئے بلکہ مصلح یعنی صالح بنانے والے ہوگئے۔ اللہ تعالیٰ نے حضرت حکیم الامت کوایسا اللہ والا بنایا تھا کہ ان میں نجاست میں ڈوبے ہوئے لوگوں کو نکالنے کی صلاحیت پیدا کردی تھی۔اللہ والوں کی روح میں ایسی طاقت ہوتی ہے کہ یہ روح اپنی طاقت سے اپنے جسم کو بھی اور دوسروں کے جسموں کو بھی گناہوں کی دلدل سے نکال لیتی ہے۔ شاعر کہتا ہے ؎جسم کو اپنا سا کرکے لے چلی افلاک پر اللہ اللہ یہ کمال روح جولاں دیکھیے میرے دوستو!روح کی دوڑ اور روح کی پرواز کی طاقت بہت عجیب و غریب ہے۔ روح کی کوئی بیماری لاعلاج نہیں آپ حضرات سے بڑے تجربے کی بات عرض کرتاہوں کہ روح کی کوئی سی بیماری ہو مایوس نہ ہوں،نااُمید نہ ہوں چاہے بارہا شکست کھاچکے ہوں،اکھاڑے میں پٹخنی کھاگئے ہوں، پٹخنی کہتے ہیں چت کردینا، ہار جانا۔ انسان بارہا نفس اور شیطان سے مقابلے میں ہارا ہوا ہو اسے مایوس نہیں ہونا چاہیے۔ سو فی صد وثوق کے ساتھ، اللہ پر سو فی صد بھروسہ کرکے کہتا ہوں کہ کسی اللہ والے سے تعلق قائم کرلو پھر کہنا کہ اختر کیا کہتا ہے ؎مجھے سہل ہوگئیں منزلیں کہ ہوا کے رُخ بھی بدل گئے تیرا ہاتھ ہاتھ میں آگیا کہ چراغ راہ کے جل گئے میں اس موقع پر اسی شعر کو پڑھتا ہوں۔یہ نہ سوچئے کہ بار بار ایک ہی بات کہتا ہوں، میرے دوستو! اگر آپ کو اللہ تعالیٰ سے محبت ہے تو کیا بار بار ذکرِ محبوب سے عاشق گھبراتا ہے؟ اسی لیے میں اپنے بزرگوں کی باتیں سناتا ہوں، جو اللہ میرے دل میں ڈال دیتا ہے۔