توشہ آخرت کے اعمال |
ہم نوٹ : |
 |
شاخ ہے، جو انسان اپنے کو بڑا سمجھتا ہے وہی سب پر غصہ کرتا ہے کہ میری تو اتنی قیمت ہے مجھے ایسا کیوں کہہ دیا؟لہٰذا اپنے نفس سے بار بار کہتے رہواور اللہ سے بھی کہتے رہو کہ یا اللہ!ہماری کوئی قیمت نہیں ہے،ہم بے قیمت ہیں۔دنیاوی لحاظ سے معمولی آدمی بھی آپ کو کچھ کہہ دے تو صبر کرو، کوئی بھی آپ کو کچھ کہہ دے اللہ کے لیے معاف کردو۔ اگر اللہ کا ولی بننا چاہتے ہو تو صبر کا راستہ اختیار کرو۔ حضرت مولانا رشید احمد گنگوہی رحمۃ اللہ علیہ کو لوگوں نے کیسے بُرے بُرے الفاظ کہے۔حضرت مولانا اسماعیل شہید رحمۃ اللہ علیہ کا وعظ ہورہا تھا، دس ہزار کا مجمع تھا، اس میں ایک شخص نے کھڑے ہوکر کہا کہ آپ ولد الزنا ہیں،حرامی ہیں۔تو آپ نے فرمایا کہ بھائی میرے والدین کے نکاح کے گواہ ابھی زندہ ہیں،آپ جاکر ان سے پوچھ سکتے ہیں۔ اور پھروعظ شروع کردیا۔ اللہ اکبر کیا شان تھی! آج کوئی ہے ایسی باتیں برداشت کرنے والا؟ ارے میاں نفس کو مٹائے بغیر اللہ نہیں ملتا۔ لوگ سمجھتے ہیں کہ بس مرید ہوگئے تو کام بن گیا۔ ارے میاں خون کے پیالے پی کر اللہ ملتا ہے۔ اپنی حرام خواہشات کو ضبط کرو، اپنی آنکھوں کو بدنگاہی سے بچاؤ، زبان کو غصے سے بچاؤ اور اپنے نفس کو ذلیل کردو پھر دیکھو خدا کیا دیتا ہے۔ اللہ تعالیٰ فرماتے ہیں کہ میری محبت کی علامت یہ ہے اَذِلَّۃٍ عَلَی الۡمُؤۡمِنِیۡنَ ایمان والوں کے سامنے ذلیل ہوجاؤ، ان کی باتیں برداشت کرو، ورنہ تمہارا محبت کا دعویٰ غلط ہوگا۔ وَ لَا یَخَافُوۡنَ لَوۡمَۃَ لَآئِمٍ قرآنِ پاک کی آیت تلاوت کررہا ہوں، اللہ تعالیٰ اپنے عاشقوں کی علامت بیان فرمارہے ہیں کہ وہ اپنے کو بالکل مٹا کر رہتےہیں، کوئی کچھ بھی کہہ دے اسے برداشت کرتے ہیں، انتقام نہیں لیتے۔ یہ نہیں کہ کسی نے کہا الّو، تو فوراً کہتے ہیں تو الّو، تیرا باپ الّو، تیرا دادا الّو۔ یہ کیا ہے بھائی؟یہ صوفی ہیں؟ کیا تصوف صرف تسبیح پڑھنے کا نام ہے؟تو اپنے نفس کو ذلیل کردو اور ایمان والوں کے سامنے اپنے کو مٹادو۔ اَعِزَّۃٍ عَلَی الۡکٰفِرِیۡنَ ہاں جہاں کافر ہوں وہاں بہادر بن جاؤ۔ یُجَاہِدُوۡنَ فِیۡ سَبِیۡلِ اللہِ 7؎ اللہ کے راستے میں مشقت برداشت کرو، بدنگاہی سے تکلیف پہنچے تو اس کو برداشت کرو، اس سے روح میں نور پیدا ہوگا، اللہ کا قرب عطا ہوگا۔ صحابہ نے اللہ کی راہ میں تلواریں کھائی ہیں، ہم بدنگاہی _____________________________________________ 7؎المائدۃ:54