توشہ آخرت کے اعمال |
ہم نوٹ : |
 |
کو دیکھ کر آپ کو تکلیف ہوتی ہے اگر وہ صورت آپ نے دیکھ لی تو بلڈپریشر اور زیادہ ہائی ہوکر آپ کو فالج ہوجائےگا، دماغ کی رگ پھٹ جائے گی، خون سارے دماغ میں پھیل جائے گا جس سے آپ کی جان کو خطرہ ہے۔چناں چہ حضرت نے فیصلہ کرلیا کہ اس مقرب کو اب قریب بھی نہ آنے دوں گا۔وہ مرید بہت دن تک روتا رہا، غریب رات رات بھر، عشاء سے لے کر فجر تک رویا۔ اس کا نتیجہ یہ نکلا کہ جن لوگوں نے حسد میں یہ باتیں کہی تھیں وہ ایسے ایسے مصائب میں مبتلا ہوئے کہ آج دوسروں سے زکوٰۃ اور بھیک مانگ رہے ہیں،حالاں کہ مال دار تھے اور ایسی بیماری لگ گئی کہ قبل از وقت بوڑھے ہوگئے، ڈاکٹروں کے علاج سے بھی فائدہ نہیں ہورہا ہے۔اللہ والوں کی آہ سے بچنا چاہیے۔بعض لوگ اپنے قرب سے غلط فائدہ اُٹھاتے ہیں۔ اسی لیے حکیم الامت رحمۃ اللہ علیہ فرماتے تھے کہ مشایخ کو بیدار مغز رہنا چاہیے۔ حضرت مولانا ابرار الحق صاحب کا حسن انتظام حضرت! میرے مرشدِ ثانی حضرت مولانا شاہ ابرار الحق صاحب نے جو دستور بنایا ہوا ہے وہ اتنا عمدہ ہے کہ جب کوئی کسی کے خلاف شکایت کرتا تو فرماتے کہ شکایت تحریری شکل میں دو، ہم زبانی شکایت نہیں سنیں گے اور تحریر کے بعد دو گواہ بھی لاؤ، اس کے بعد مدعیٰ علیہ کو بلایا جاتا ہے پھر اس سے بیانات لیے جاتے ہیں۔ اس طریقے سے اتنا رگڑتے ہیں کہ کسی کی ہمت نہیں ہوتی کہ ان کے کان میں کسی کے خلاف کوئی غلط بات کہہ سکے، وہ بھی سمجھتا ہے کہ کان میں کچھ کہا تو پھنس جاؤں گا لہٰذا حضرت کے ادارے میں ہر شخص پورے اطمینان سے کام کرتا ہے۔ حضرت کے سو مدرسے ہیں، میں نے ہر مدرسے والوں کو جاکردیکھا ہے کہ نہایت اطمینان و سکون سے کام کررہے ہیں کیوں کہ جانتے ہیں کہ شیخ بیدار مغز ہے، کسی کی لگائی بجھائی اور کانا پھوسی ہمارا کچھ نہیں بگاڑ سکتی ۔ حضرت والا رحمۃ اللہ علیہ کے شیخ کی دعا حضرت!جب میں نے حضرت شاہ عبدالغنی صاحب کے یہاں یہ واقعہ دیکھا تو میرے رونگٹے کھڑے ہوگئے۔ اختر رات دن دعا کرتا تھا کہ میرے لیے،مجھ حکیم کے لیے بھی