توشہ آخرت کے اعمال |
ہم نوٹ : |
 |
پیش لفظ زیر نظر وعظ شیخ العرب والعجم عارف باللہ حضرتِ اقدس مولانا شاہ حکیم محمد اختر صاحب رحمۃ اللہ علیہ کے دو مواعظ کا مجموعہ ہے۔ حضرتِ اقدس کا رمضان المبارک ۱۹۸۱ء میں بنگلہ دیش کا سفر ہوا۔ اس سفر میں حضرتِ اقدس نے حکیم الامت حضرت مولانا شاہ اشرف علی صاحب تھانوی رحمۃ اللہ علیہ کے خلیفہ حضرت مولانا حافظ جی حضور رحمۃ اللہ علیہ کی موجودگی میں بیان فرمایا اور حضرت حافظ جی حضور صاحب کے ارشاد پر مثنوی شریف کا مختصر درس دیا۔ دورانِ وعظ حضرتِ اقدس جن کو حضرت کہہ کر مخاطب فرمارہے ہیں وہ حضرت حافظ جی حضور رحمۃ اللہ علیہ ہیں۔ دوسرا وعظ بنگلہ دیش کی مشہور مسجد خادم الاسلام میں ہوا جس میں حضرتِ اقدس نے اپنے مخصوص مؤثر اور درد بھرے انداز میں دنیائے فانی کی حقارت، آخرت کی تیاری اور اخلاق کی اصلاح سے متعلق اعمال اختیار کرنے کے بارے میں اپنے قیمتی ارشادات سے نوازا۔ یکےاز خدام عارف باللہ حضرت مولانا شاہ حکیم محمد اختر صاحب رحمۃ اللہ علیہ و حضرت مولانا شاہ حکیم محمد مظہر صاحب دامت برکاتہم نقشِ قدم نبی كے هیں جنت كے راستے الله سے ملاتے هیں سنت كے راستے