توشہ آخرت کے اعمال |
ہم نوٹ : |
 |
حکیم الامت کی شانِ تجدّدیت تو میں عرض کررہا تھا کہ حکیم الامت نے فرمایا کہ دیکھو اللہ نے تفسیر بیان القرآن لکھوا کر مجھ سے کیا کام لیا ہے۔ ایک دفعہ بھری مجلس میں ارشاد فرمایا کہ سلوک کے بارے میں اللہ سبحانہٗ و تعالیٰ نے میرا سینہ کھول دیا ہے،جیسے ہی خانقاہ کے اندر کوئی شخص آتا ہے تو سارے اس کے امراض مجھ پر منکشف ہوجاتے ہیں حالاں کہ ابھی کوئی گفتگو بھی نہیں کرتا محض اس کی شکل اور اس کی چال ڈھال دیکھی، اس کی آنکھوں سے آنکھیں ملی اور سمجھ میں آجاتا ہے کہ یہ عاشق مجاز ہے یا نفسانی شہوت اور بدنگاہی کی بیماری میں مبتلا ہے یا یہ تکبر کی چال ہے، اسی وقت دل پر منکشف ہوجاتا ہے۔بعض اوقات حضرت حکیم الامت تھانوی فتاویٰ واپس کر دیا کرتے تھے اور فرماتے تھے کہ یہ کام تو دیو بند اور سہارنپور میں بھی ہورہا ہے، اشرف علی سے وہ کام لو جو اس وقت زمانے میں نادرِ روزگار ہے۔ حضرت مولانا ظفر احمد عثمانی صاحب رحمۃ اللہ علیہ نے حاجی امداد اللہ صاحب کو خواب میں دیکھا تو عرض کیا کہ حضرت دعا فرمادیجیے کہ میں صاحبِ نسبت ہوجاؤں۔ حاجی صاحب نے فرمایا کہ صاحبِ نسبت تو ہوگئے ہو مگر اصلاح اپنے ماموں یعنی حکیم الامت حضرت مولانا شاہ اشرف علی صاحب تھانوی سے کراؤ۔ اس پر حضرت تھانوی نے فرمایا کہ میرے اصلاح کے فن پر عالم برزخ سے تائید آرہی ہے۔ حضرت تھانوی رحمۃ اللہ علیہ نے اس پر اللہ کا شکر ادا کیا۔ حضرت شیخ الہند مولانا محمود الحسن دیوبندی رحمۃ اللہ علیہ فرماتے تھے کہ جس کی ہمارے یہاں اصلاح نہ ہو تو اسے تھانہ بھون بھیج دو، وہاں مولانا اشرف علی اسے ٹھیک کردیں گے۔حضرت کے یہاں تکبر کے فراعین کا جیسا علاج ہوتا تھا اس کی تو مثال ہی نہیں ملتی۔ اہل اللہ کی شان میں بدگوئی سے احتراز برتیں تو میں عرض کررہا تھا کہ مولانا رومی رحمۃ اللہ علیہ نے فرمایا ؎متہم کم کن بدزدی شاہ را عیب کم گو بندۂ اللہ را