توشہ آخرت کے اعمال |
ہم نوٹ : |
 |
ان جہنم میں جانے والے مال داروں کو تم جنت میں لے جاسکتے ہو، تو سارے غریب وہاں جائیں گے اور بڑے بڑے کارخانے والوں کو پہچانیں گے کہ بھئی ہمارا گھر نہیں تھا آپ نے ہمارا گھر بنوایا تھا، کوئی کہے گا آپ نے ہمارا قرضہ ادا کیا تھا، کوئی کہہ رہا ہے آپ مصیبت کے وقت میں ہماری مدد کیا کرتے تھے تو وہ غریب ان مال داروں کو جنت کی طرف لے جائے گا تب وہ امیر لوگ کہیں گے کہ ہم تو تم کو حقیر سمجھتے تھے کہ ہمارے ٹکڑوں پر، ہماری زکوٰۃ صدقات پر پلتے ہو، آج معلوم ہوا کہ تم لوگ ہم سے زیادہ امیر نکلے۔ شیخ الحدیث مولانا محمد زکریا رحمۃ اللہ علیہ لکھتے ہیں کہ اس وقت اللہ ان غریبوں سے فرمائے گا کہ تم دنیامیں کہتے تھے کہ اللہ نے ہم کو دولت نہیں دی، ہم کو غریب بنا کر حقیر و ذلیل کردیا، دنیا میں تم ہماری شکایت کرتے تھے۔ آج بتاؤ اصلی کون امیر ہے؟ تو اللہ تعالیٰ وہاں ان کی زبردست عزت بڑھائیں گے۔ اس لیے غریبوں کو اپنا دل چھوٹا نہیں کرنا چاہیے۔ امارت ولایت کے منافی نہیں دنیا میں امیروں کے لیے بھی آخرت کی کمائی کے مواقع ہیں۔ایک رئیس تھے حضرت عبیداللہ شاہ رحمۃ اللہ علیہ، بہت بڑے بزرگ گزرے ہیں۔ شرح جامی کے لکھنے والے ملّا جامی ان سے بیعت ہونے آئے تو دیکھا کہ گھوڑے وغیرہ بندھے ہوئے ہیں، خدمت کے لیے نوکر چاکر ہیں، انہوں نے سوچا کہ ایسا مال دار آدمی بھی ولی اللہ ہوسکتا ہے؟ واپس لوٹ آئےاور دل ہی دل میں ایک شعر پڑھا ؎نہ مرد آنست کہ دنیا دوست دارد وہ اللہ والا نہیں ہوسکتا جو دنیا کو دوست رکھے۔اسی رات خواب میں دیکھا کہ قیامت قائم ہے اور ملّاجامی نے کسی سے قرضہ لیا ہوا تھا تو قرض خواہ آگیا کہ لاؤ میرا قرضہ نہیں تو اللہ میاں سے شکایت کرتا ہوں، اب وہیں فیصلہ ہوگا۔ اتنے میں وہی بزرگ حضرت عبیداللہ گھوڑے پر خوب روپیہ لے کر آئے جن کے بارے میں ملّا جامی کہتے تھے کہ گھوڑے رکھنے والا اور مال و دولت والا کیسے ولی اللہ ہوسکتا ہے۔ تو انہوں نے آکر قرض خواہ سے کہا کہ اس فقیر ملّا جامی کو کیوں تنگ کرتے ہو ؟ وہ کہتا ہے کہ انہوں نے میرا قرضہ لیا ہے۔ پوچھا کتنا قرضہ ہے،یہ لو اپنا