ماہنامہ انوار مدینہ لاہور جون 2016 |
اكستان |
 |
درسِ حدیث حضرت اَقدس پیر و مرشد مولانا سیّد حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِاِنتظام ماہنامہ'' اَنوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے، اللہ تعالیٰ حضرتِ اَقدس کے اِس فیض کو تا قیا مت جاری و مقبول فرمائے۔ (آمین) آخرت کی پیشی اور سوالات اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! حضرت اِبن مسعود رضی اللہ تعالیٰ عنہ روایت فر ماتے ہیں کہ آقائے نامدار ۖ نے فرمایا کہ نہ ہٹیں گے دو قدم اِبن آدم کے قیامت کے دن اپنے رب کے در بار سے جب تک پو چھ نہ لیا جائے پانچ چیزوں سے یعنی جب تک پانچ سوال نہ پو چھے جائیں گے وہ ہٹے گا نہیں۔ ٭ پہلا سوال یہ ہوگا کہ جو''عمر'' آپ کو دی گئی تھی اُس کو کس چیز میں فناکیا، کس چیز میں کھپایا کن کن کاموں میں صرف کیا ؟ یہ بہت مشکل سوال ہے، عمر کے ہر لمحہ کا محاسبہ سامنے آئے گا ! ! اِنسان کو چاہیے کہ بے فائدہ اور نا جائز کاموں کو ترک کر دے، وہی کام کر تا رہے جس میں نفع ہو کاروباری حضرات بھی وہ کام نہیں کرتے جن میں خسارے کا اَند یشہ ہو، یہاں تک کہ کوئی بہترین سے بہترین کتاب ہو لیکن اُس کے چھپانے میں تاجر کو نفع نہ ہو تو وہ چھپوانے سے اِنکار کر دیتے ہیں۔ جس طرح اِنسان دُنیاوی معاملات میں نفع مندی کی خواہش اور آ رزو رکھتا ہے اِسی طرح اُسے چاہیے کہ وہ آخرت کے بارے میں بھی سو چتا رہے ایسا نہ ہوکہ حشر میں ذلیل و خوار ہوجائے۔آنحضرت ۖ کے اِس اِرشاد مبارک کامنشاء یہی ہے کہ اِنسان ہر چیز کو تو لے، جا نچے فائدہ ہو توکرے ور نہ چھوڑ دے۔