ماہنامہ انوار مدینہ لاہور جون 2016 |
اكستان |
 |
حرف آغاز نَحْمَدہ وَنُصَلِّیْ عَلٰی رَسُوْلِہِ الْکَرِےْمِ اَمَّا بَعْدُ ! رحمتوں اور برکتوں کے ماہ رمضان المبارک کی آمد آمد ہے، جبکہ موجودہ عالمی حالات مسلمانوں کے لیے بہت تکلیف دہ ہیں اِسرائیل میں یہو دیوں کے ہاتھوں مسلمانوں کا قتل ِعام برسوں سے جاری ہے مقبوضہ کشمیر میں بھی ہندوؤں کے ہاتھوں یہی کچھ ہو رہا ہے برما اَرا کان بھی مسلمانوں کا مقتل بنا ہوا ہے وسطی اَفریقہ میں عیسائی آئے دن مسلمانوں کے خون کی ہولی کھیلتے ہیں اِس سے بھی اَلمناک صورتِ حال یہ ہے کہ خود مسلمان مسلمانوں کے ہاتھوں قتل ہو رہا ہے عراق لیبیااور شام میں مسلمانوں کاقتل ِ عام گزشتہ کئی سالوں سے جاری ہے اَفغانستان کی صورتِ حال بھی عدم اِستحکام کاشکار ہے جبکہ پاکستان اَندرونی اور بیرونی بحرانوں میں گھرا رہتا ہے،کچھ عرصہ سے سعودی عرب اور یمن کا محاذ بھی گرم ہے ،تیزی سے ترقی کی منازل طے کرنے والے ترکی کوبھی آگ کی طرف دھکیلاجا رہا ہے مصر پر ایک جا بر مسلط کر کے عوام کی آزادی سلب کر لی گئی ہے۔ اِس عالمی کُشت و خون کے پیچھے کس کا ہاتھ ہے ؟ سب جانتے ہیں کہ عالمی مفادات اور خزانوں کا ترازو بد قسمتی سے عالمِ کفر کے ہاتھ لگ گیا ہے وہ بندر بانٹ کی روِش اِختیار کر تے ہوئے جوکچھ کر رہا ہے وہ کسی سے مخفی نہیں ہے ۔