ماہنامہ انوار مدینہ لاہور جون 2016 |
اكستان |
|
تقریظ وتنقید نام کتاب : تحفہ ٔ نقشبندیہ تصنیف : حضرت مولانا عبد القیوم مہا جر مدنی مد ظلہم صفحات : ٤٣٢ سائز : ١٦/٣٦ ٢٣ ناشر : اِدارہ تالیفاتِ اَشرفیہ ملتان قیمت : درج نہیں حضرت مولانا عبد القیوم صاحب مہاجر مکی مد ظلہم عرصۂ دراز سے مد ینہ طیبہ میں مقیم ہیں، اَکابر اہل اللہ کے فیض یافتہ اور مجازِ بیعت ہیں بہت سی قیمتی کتابیں آپ کی قلم ِحقیقت رقم سے نکل کر قبولیت حاصل کرچکی ہیں۔ پیش نظر کتاب ''تحفۂ نقشبندیہ '' حضرت مد ظلہم کی نئی تصنیف ہے اِس میں آپ نے سلسلۂ نقشبندیہ کا تعارف، مشائخِ نقشبندیہ کی خدمات و سوانح، تصوف کی حقیقت، اِصلاح کے لیے نقشبندی مشائخ کا طریقہ کار،لطائف ستہ، تجلیات و مراقبات،ختمات و معمولات ذکر کیے ہیں جو مشائخ ِ نقشبندیہ کے لیے ذادِ راہ اور سالکانِ طریقت کے لیے مشعلِ راہ ہیں۔ اَندازِ بیان سہل اور دلنشیں ہے، کتابت و طباعت عمدہ ہے یقینا یہ کتاب نقشبندی سلسلہ کے اَحباب کے لیے خصوصًا اور دیگرسالکین کے لیے عمومًا عظیم تحفہ ہے۔