Deobandi Books

محض غلط ہے، مکسوب اور موروث کا شرع مىں اىک ہى حکم ہے۔
مسئلہ:۔ بعض عوام سمجھتے ہىں کہ حق شفعہ رشتہ دار جدى کے ساتھ خاص ہے، سو ىہ محض غلط بات ہے۔
مسئلہ:۔ عوام مىں بعضے اعمال چور معلوم کرنے کے جائز اور حجت سمجھے جاتے ہىں۔سو سمجھ لىنا چاہئے کہ ىہ ناجائز ہىں اور نہ شرعاً حجت ہىں۔ اور جس فن کا وہ عمل ہے اس کے اصول سے وہ عمل قابلِ اعتبار نہىں وہ بالکل خىال کے تابع ہے۔ حتى کہ اگر دو عامل مختلف شخصوں پر چورى کا گمان رکھتے ہوں تو ہر عامل کے عمل سے الگ الگ دونوں کا نام نکل آئے گا، بلکہ اگر ان عاملوں کو فرضى نام بتائے جائىں تو اس عمل سے وہى نکل آئىں گے، جس نے صاف معلوم ہوتا ہے کہ ىہ عمل کوئى چىز نہىں۔
مسئلہ:۔ بعض عوام سے سنا گىا ہے کہ قسم کھاتے وقت بائىں ہاتھ کاا نگوٹھا موڑ لىا جاوے تو قسم نہىں ہوتى، سو ىہ محض لغو بات ہے۔
مسئلہ:۔ اکثر عوام کو دىکھا ہے کہ منت ونذر کى شىرىنى مسجد مىں لا کر عام طور پر تقسىم کر دىتے ہىں۔ وہىں بعضے سىد اور غنى بھى ہوتے ہىں پس سىد اور غنى کو دىنے سے نذر ادا نہىں ہوتى۔