ماہنامہ انوار مدینہ لاہور ستمبر 2012 |
اكستان |
|
مکمل ہوجائیں) (٢) حدیث میںشرح تقریرِ ترمذی۔ (٣) مدرسہ اِسلامیہ نیوٹاؤن ۔ (٤) تحفظ ختم ِ نبوت کے منصوبوں کے لیے اِس قدر عظیم فنڈ جمع کردینا کہ ٣٦ لاکھ میں صرف اِس کا تعمیراتی خاکہ وجود میں آئے گا۔ اللہ تعالیٰ قبول فرمائے اَور مرحوم کے اِن صدقات کو جاری رکھے۔ مجھے اَفسوس ہے کہ میں ''لولاک'' میں مضمون نہ اِرسال کر سکا۔ تعمیل ِ حکم میں اُس وقت جو چیز یاد آتی گئی لکھتا گیا ہوں۔ ع گر قبول اُفتد ......... اللہ تعالیٰ حضرت موصوف کو مغفرت سے نوازے اَور اَعلیٰ علیین میں مقام ِ عالی نصیب کرے اَور اُمت ِ مسلمہ کو آپ کا بدل عطا فرمائے ،آمین۔ نامناسب نہ ہوگا کہ آخر میں ایک روایت پیش کر دی جائے جس سے اہل ِ علم کی عظمت کا اَندازہ ہوسکے گا۔ حضرت حسن بصری رحمةاللہ علیہ فرماتے ہیں کہ ہم سے پہلے اَکابر یہ کہا کرتے تھے کہ عالم کی موت قصرِ اِسلام میں وہ دَراڑ(شگاف) ہے جسے کبھی کوئی چیز نہیں بھر سکتی۔ عَنِ الْحَسَنِ قَالَ کَانُوْا یَقُوْلُوْنَ مَوْتُ الْعَالِمِ ثُلْمَة فِی الْاِسْلَامِ لَایَسُدُّھَا شَیْیٔ مَا اخْتَلَفَ اللَّیْلُ وَالنَّھَارُ۔ ( سُنن الدارمی رقم الحدیث ٣٣٣ ) آپ نے بہت سے لوگوں کو دیکھا ہوگا کہ وہ اپنے مشائخ واَساتذہ کی وفات کے بعد یہ کہتے رہے ہوں کہ'' اُن جیسا کوئی نہیں ملا'' اَور یہ حقیقت بھی ہے۔