ماہنامہ انوار مدینہ لاہور مارچ 2008 |
اكستان |
 |
آہ ! پیر طریقت سید نفیس الحسینی شاہ صاحب رحمہ اللہ ( نتیجہ ٔ فکر : جناب سید سلیمان صاحب گیلانی ) سید نفیس حق کا پرستار چل بسا خوش خو و خوش اَداء و خوش اَطوار چل بسا وہ پاسبانِ عترتِ اَطہار چل بسا اسلام و دین کا وہ وفادار چل بسا حق کی تجلیوں سے تھا معمور جس کا دل چہرہ تھا جس کا مطلعِ اَنوار چل بسا وہ مستِ مے میکدۂ رائپور تھا وہ نشۂ جہاد سے سَرشار چل بسا اَصحاب و اہلِ بیت کے ناموس کے لیے باطل سے لڑنے والا وہ جی دار چل بسا اَولاد تھا وہ زید کی آلِ حسین تھا نامِ یزید سے تھا جو بیزار چل بسا گیسودراز کی محبت میں تھا وہ بندھا وہ اُن کے گیسوؤں کا گرفتار چل بسا شاہانِ رائے پور سے اُس کو ملا تھا فیض وہ صاحبِ حقیقت و اَسرار چل بسا