ماہنامہ انوار مدینہ لاہور مارچ 2008 |
اكستان |
 |
میں سوال کیا، میں نے عرض کر دیا کہ حضور اقدس ۖ کی شکل ِمبارک میں شیطان ہرگز نہیں آسکتا،ناچیز نے حضرت مجدد الف ثانی کے مکتوب گرامی ( نمبر٢٧٣/ج ١) کا مطالعہ چند مرتبہ کیا تھا اُسی کا مضمون دُہرادیا بلکہ یہاں جو لوگ حاضر تھے اُنہیں کتاب نکال کرمفصل مکتوب سُنا دیا۔ معلوم ہوا وہ صاحب بعد میں آپ کی خدمت میںحاضر ہو کر فیضیاب ہوئے ،واپسی میں نماز ِعصر کے بعد وہ مجھے پھر ملے،محسوس ہوا اُنہوں نے میری ترجمانی صحیح نہیں کی،بندہ عالم نہیں ہے صرف ناقل ہے جو بات معلوم ہوتی ہے کہہ دیتا ہے ورنہ معذرت کر لیتا ہے کہ عافیت اِسی میں ہے۔جناب والا مطمئن رہیں ۔حضرت مجدد قدس سرہ کا مکتوب گرامی اِس سلسلہ میں تشفی بخش ہے۔ احقر نفیس١٩جمادی الاولیٰ ١٤٠٦ھ٭ باسمہ سبحانہ' گرامی منزلت محترم المقام حضرت مولانا زِید مجدکم السلام علیکم ورحمة اللہ وبرکاتہ' اُمید ہے آپ بعافیت ہوں گے۔ بڑی ندامت سے عرض پرداز ہوں کہ اِن دنوں انتہائی مصروف ہونے کی بناء پر مدرسہ کا اشتہار تیار نہیں کرسکا دو بزرگ اور باہر سے تشریف لائے ہوئے ہیں۔ ایک بھکر ضلع میانوالی سے اور دُوسرے ڈیرہ اسماعیل خان سے، دونوں اِشتہار طبع کرانے آئے ہیں۔ ایک اشتہار سے فارغ ہوچکا ہوں، دُوسرے میں مصروف ہوں اُمید ہے آج رات تک مکمل ہوجائے گا، ٣٠ x ٤٠ سائز ہے اِس میں اڑھائی سو کے قریب نام ہیں بڑا مشکل کام ہے۔ آپ سے میری مؤدبانہ التماس ہے کہ مجھے کچھ اَور وقت دیں کل انشاء اللہ اِسی کا پروگرام ہوگا۔ پرسوں سوموار کی دوپہر تک اُمید ِ قوی ہے طبع ہوجائے گا انشاء اللہ العزیز۔ نیاز مندنفیس