ماہنامہ انوار مدینہ لاہور مارچ 2008 |
اكستان |
 |
باسمہ سبحانہ سیدی و سندی حضرت مولانا سید حامد میاں صاحب زاد اللہ محامدکم و محاسنکم السلام علیکم ورحمة اللہ وبرکاتہ' والا نامہ نے مشرف کیا حضرت مولانا مدظلہم العالی کی خدمت میں آپ کا سلام عرض کیا بہت دُعاء فرمائی۔ آج آخری عشرے کا دُوسرا روز ہے۔ اپنی نامرادیوں اور سیہ بختیوں کا حال کہاں تک بیان کروں بھری برسات میں تشنہ کامی اپنا مقدر بن کر رہ گئی ہے اَب کے برسات میں بھی پی نہ سکے ہم پہ روتی ہوئی برسات گئی ! لیکن اِس کے باوجود دلِ ناکام الحمد للہ شکوہ گزار نہیں۔ محبوبِ حقیقی کی ہر اَدا لطف و انعام ہی ہے۔ جیسی بھی گزررہی ہے اِس پر زبان محو ِ شکر و سپاس ہے۔ دُکّان مے فروش پہ سالک پڑا رہا اچھا گزر گیا رمضان بادہ خوار کا یارانِ باوفا و عزیزانِ باصفا مولوی حبیب الرحمن صاحب، مولوی یعقوب صاحب، رشید میاں، محمود میاں، وحید میاں سب کی خدمت میں سلامِ مسنون۔ نیاز مند نفیس خانقاہِ گلزارِ رحیمی رائپور ضلع سہارنپور یوپی انڈیا ٢٢ رمضان المبارک ١٣٩٠ھ /٢٣ نومبر ١٩٧٠ء ٭ باسمہ سبحانہ' حضرت المخدوم زِید مجدکم السلام علیکم ورحمة اللہ وبرکاتہ' اُمید ہے بفضل تعالیٰ مزاج عالی بخیر ہو گا۔ نماز جمعہ کے (بعد) عزیزی نعیم الدین صاحب ایک صاحب کو لائے ،کچھ بات کرنا چاہتے تھے۔ حضور اقدس ۖ کے خواب میں تشریف لانے اور صدور ِاحکام کے بارے