س :اگر کسی آفاقی نے مکہ مکرمہ میں اقامت کی نیت کی لیکن مستقل وطن نہیں بنایا تو اسپر طوافِ وداع واجب رہیگا یا ساقط ہوجائے گا؟
ج: اس صورت میں طوافِ وداع ساقط نہیں ہوگا اگر چہ سالہائے سال مکہ مکرمہ میں رہتا رہے۔ (مناسک ملا علی قاری ۲۵۳)
س: طوافِ وداع کا اول وقت کب شروع ہوتا ہے ؟
ج: اول وقت طوافِ وداع کا طواف ِ زیارت کے بعد ہے اگر مکہ مکرمہ سے سفرکا ارادہ ہے اور آخراس کا معین نہیں جس وقت چاہے کرے ، اگر سال بھر مکہ مکرمہ میں قیام کرنے کے بعدبھی کرے تب بھی ادا ہو،گا قضاء نہ ہوگا ۔ (مناسک ملا علی قاری ۲۵۳)
س : اگر کسی نے سفر کا ارادہ کیا او راس لئے طوافِ وداع کرلیا اور اس کے بعد پھر قیام ہوگیا تو طوافِ وداع ادا ہوگیا یا نہیں ؟ ۔
ج: ادا ہوگیا عند الحنفیہ اعادہ واجب نہیں لیکن چلتے وقت دوبارہ طوافِ وداع کرنا مستحب ہے ۔ (مناسک ملا علی قاری ۲۵۳، وغنیۃ ۱۹۰)
س :طوافِ وداع کا مستحب وقت کیا ہے ؟
ج: مستحب وقت یہ ہے کہ تمام کاموں سے فارغ ہوکر طواف کرے اور اس کے