ج: طواف کی سنتیں ذیل میں بیان کی جاتی ہیں:
(۱) اضطباع کرنا یعنی داہنا کاندھاکھلا رکھنا۔
(۲) طواف کے پہلے تین چکروں میں رمل کرنا (یعنی قریب قریب قدم رکھتے ہوئے کاندھوں کوخوب پہلوانوں کی طرح ہلاتے ہوئے تیزی سے چلنا اور باقی چکروں میں عام رفتارسے چلنا۔
(۳) طواف شروع کرتے وقت حجرِ اسود کے سامنے منہ کرنا سنت ہے،لیکن طواف کے درمیان میں ہرچکر میں جب حجرِ اسود کے محاذات یعنی سامنے آئے تو حجرِ اسود کی طرف منہ کرنا مستحب ہے۔(کمافی الغنیۃ) لیکن اس بات کا خیال رہے کہ حجرِ اسود کی طرف جب منہ کرے تو اپنے قدم اپنی جگہ جمالے اور جب آگے بڑھنے لگے تو فوراً اپنا بایاں کاندھا کعبہ کی طرف کرلے ، پھر آگے کی طرف طواف پورا کرے ۔
(۴) حجرِ اسود کے سامنے تکبیر کہنا مطلقاً سنت ہے۔
(۵) طواف شروع کرتے وقت ابتداء میں حجرِ اسود کے سامنے کھڑے ہوکر تکبیر کہتے وقت دونوں ہاتھوںکا کانوں تک یا کاندھوں تک اٹھانا، لیکن طواف کی نیت کرتے وقت ہاتھ اٹھانا مسنون نہیں ہے بلکہ بدعت ہے، کیونکہ رسول اللہ ﷺ
