الحمد للہ وکفی وسلام علی عبادہ الذین اصطفیٰ… امابعد!
فَاَعُوْذُبِاللّٰہِ مِنَ الشَّیْطٰنِ الرَّجِیْمِ٭ بِسْمِ اللّٰہِ الرَّحْمٰنِ الرَّحِیْمِ
اِنَّا اَنْزَلْنَاہُ فِی لَیْلَۃُ الْقَدْرِ وَمَااَدْرٰکَ مَالَیْلَۃُ الْقَدْرِ۔ صَدَقَ اللّٰہُ الْعَظِیْمُ
امت محمدیہ کی فضیلت
میرے محترم دوستو! عزیز! بزرگو!
بڑے مبارک لمحات اور بڑی قیمتی گھڑیاں چل رہی ہیں، جس میں اللہ تعالیٰ کی عمومی رحمتوں کی بارش ہوتی ہے، رحمت کا عشرہ گزرگیا، یہ مغفرت کا عشرہ چل رہا ہے۔
برزگو! اللہ تعالیٰ نے اس امت کو بہت اونچا مقام عطا فرمایا ہے، اللہ تعالیٰ نے اپنے قرآن میں اس امت کی تمام امتوں پر فضیلت وبرتری کو ظاہر فرمایا ہے۔ کُنْتُمْ خَیْرَ اُمَّۃٍ اُخْرِجَتْ لِلنَّاسِ تَأْمُرُوْنَ بِالْمَعْرُوْفِ وَتَنْہَوْنَ عَنِ الْمُنْکَرِ
تم بہترین امت ہو، کسی اور امت کو خیرِ امت کا خطاب نہیں ملا، تمہیں وجود دیا گیا ہے لوگوں کی نفع رسانی کے لئے، تمہارا کام اور تمہارا وظیفۂ حیات ہے امر بالمعروف اور نہی عن المنکر
اس امت کے نبی سارے نبیوں سے افضل اور یہ امت ساری امتوں سے
