اے بزرگ! کیا شب قدر کی نشانی پوچھتا ہے اگر تجھ میں قدر پیدا ہو جائے تو تیرے لئے ہر رات شب قدر ہے رات کے آخری پہر کی قدر جان لے تو تجھے ہر رات شب قدر کا مزہ آئے۔
آخری عشرہ کی فضیلت
پورے سال اگر نہ ہوسکے تو کم ازکم رمضان میں تو ضرور اس کا اہتمام کرنا چاہئے، خصوصاً پچھلا پہراللہ کی عبادت اور دعا وگریہ وزاری میں گذارا جائے۔
اگر پورا رمضان بھی نہ ہوسکے تو کم از کم آخری عشرہ تو ضرور شب بیداری کے ساتھ گذارا جائے، احادیث میں اس عشرہ کے بڑے فضائل ہیں۔
رسول اللہ صلی اللہ علیہ وسلم آخری عشرہ میں عبادت وغیرہ کا بڑا اہتمام فرماتے تھے، مجاہدہ بڑھا دیتے تھے۔
حضرت عائشہؓ فرماتی ہیں۔
کَانَ رَسُوْلُ اللّٰہُ صَلَّی اللّٰہُ عَلَیْہِ وَسَلَّمَ یَجْتَہِدُ فِی الْعَشْرِ الْاَوَاخِرِ مَالاَیَجْتَہِدُ فِی غَیْرِہِ (مسلم)
رسول اللہ صلی اللہ علیہ وسلم آخری عشرہ میں عبادت وغیرہ میں وہ مجاہدہ کرتے اور مشقت اٹھاتے جو دوسرے دنوں میں نہیں کرتے تھے۔
ایک روایت میں ہے اِذَا دَخَلَ الْعَشْرُ شَدَّ مِیْزَرَہٗ وَاَحْیٰی لَیْلَہٗ وَ اَیْقَظَ اَہْلَہٗ (بخاری ومسلم)
جب رمضان کا آخری عشرہ شروع ہوتا تو آپ کمر کس لیتے اور پوری رات