تو گواہ رہنا میں نے اُسے پناہ دیدی۔جب کوئی شدید سردی کادن ہو اور کوئی شخص یہ کہے:”لَا إِلَهَ إِلَّا اللَّهُ،مَا أَشَدَّ بَرْدَ هَذَا الْيَوْمِ،اَللَّهُمَّ أَجِرْنِي مِنْ زَمْهَرِيرِ جَهَنَّمَ“یعنی :لا اِلٰہ الا اللہ !یہ دن کتنا سرد اور ٹھنڈا ہے!اے اللہ ! مجھے جہنّم کے طبقہ زمہریر سےنجات اور خلاصی عطاء فرما۔تو اللہ تعالیٰ جہنم سےاِرشاد فرماتے ہیں کہ میرے بندوں میں سے ایک بندے نے تیرے طبقہ زمہریرسے میری پناہ مانگی ہے،پس میں تجھے گواہ بناتا ہوں کہ میں نے اُسے پناہ دیدی۔حضرات صحابہ کرامنے دریافت کیا: یارسول اللہ!جہنّم کا طبقہ زمہریر کیا ہے؟ آپﷺ نے اِرشاد فرمایا: ”بَيْتٌ يُلْقَى فِيهِ الْكَافِرُ، فَيَتَمَيَّزُ مِنْ شِدَّةِ بَرْدِهَا بَعْضُهُ مِنْ بَعْضٍ“ یعنی وہ(زمہریر) ایسا مقام ہے جہاں کافر کو ڈالا جائے گا پس اُس کی شدید سردی کی وجہ سے اُس کے جسم کا بعض حصہ بعض سے الگ ہوجائے گا۔(عمل الیوم و اللیلۃلابن السنی:306)
(5)پانچواں ادب:توبہ و اِستغفار کی کثرت:
آجکل پوری دنیا میں موسمی تغیرات کا شور برپا ہے اور دنیا بھر کے موسمیات کے ماہرین کے مطابق کرّہ ارض میں بڑے پیمانے پر موسمیاتی تبدیلیاں واقع ہوئی ہیں ، سردی کا موسم دیکھو تو وہ اپنی حدِّ اعتدال سے آگے بڑھ چکا ہے اور ریکارڈ کی برف باری ہونے لگی ہے جس سے ہنگامۂ زندگی مفلوج اور معطّل ہوکر رہ جاتا ہے،گرمی کے موسم میں درجہ حرارت کئی کئی دہائیوں کے ریکارڈ سے تجاوز کرتا چلاجارہا ہے،ہیٹ اِسٹروک کی وجہ سے بکثرت اموات واقع ہوجاتی ہیں ، بارشیں
