آثار محبت الہیہ |
ہم نوٹ : |
 |
روضۂ مبارک پر حاضری کا ایک ادب امام مالک رحمۃ اللہ علیہ فرماتے ہیں کہ جو شخص مدینہ شریف جائے تو یہ نہ کہے زُرْتُ قَبْرَ النَّبِیِّ صَلَّی اللہُ عَلَیْہِ وَسَلَّمَ ایسا کہنا مکروہ ہے کہ میں نے حضور صلی اللہ علیہ وسلم کی قبرِ مبارک کی زیارت کی، پھر کیا کہنا چاہیے؟ زُرْتُ النَّبِیَّ صَلَّی اللہُ عَلَیْہِ وَسَلَّمَ 8؎ ہم نے حضور صلی اللہ علیہ وسلم کی زیارت کی۔ کیوں کہ آپ صلی اللہ علیہ وسلم نے ارشاد فرمایا کہ جو مکہ سے حج کرکے چلا جائے اور مدینہ نہ آئے تو اس نے مجھ پر ظلم کیا۔ اور جس نے حضور صلی اللہ علیہ وسلم کے روضۂ مبارک پر صلوٰۃ و سلام پیش کیا تو آپ صلی اللہ علیہ وسلم اس کے سلام کا خود جواب عطا فرماتے ہیں۔ صحبتِ اولیاء روحانی حیات کا ذریعہ ہے جب خواجہ صاحب رحمۃ اللہ علیہ نے نعت کا شعر پڑھا تو جگر صاحب کے دل پر چوٹ لگی، انہوں نے اپنی غزل جیب میں رکھ لی کہ اب میرا شعرکہنا آفتاب کو چراغ دکھانا ہے۔ اس کے بعد جگر صاحب نے خواجہ صاحب رحمۃ اللہ علیہ سے کہا کہ حکیم الامت کی برکت سے بہت سے فاسق، فاجر، نافرمان، سرکش اور خدا سے دور بندے اللہ والے بن رہے ہیں تو کیا میرے لیے بھی کوئی گنجائش ہے کہ میں بھی تھانہ بھون حکیم الامت کی خدمت میں جاکراللہ والا ہو سکتا ہوں؟ خواجہ صاحب نے فرمایا کہ کیوں نہیں ہوسکتے، وہاں جاکر کتنے فاسق اور فاجر ولی اللہ ہوگئے۔ جگر صاحب کہنے لگے کہ میں تو شراب پیتا ہوں۔ اور جگرؔ صاحب کتنی پیتے تھے، خود اپنے دیوان میں لکھتے ہیں ؎پینے کو تو بے حساب پی لی اب ہے روزِ حساب کا دھڑکا تو جگرؔ صاحب نے پوچھا کہ کیا حضرت تھانوی مجھے خانقاہ میں پینے دیں گے؟ حضرت خواجہ صاحب رحمۃ اللہ علیہ کو تردُّد ہوا، خاموش ہوگئے کہ حضرت سے بات کرکے جواب دوں گا۔ _____________________________________________ 8؎الشفاء لابی الفضل القاضی عیاض:71/2 ،فصل فی حکم زیارۃ النبی صلی اللہ علیہ وسلم