امور عشرہ برائے اصلاح معاشرہ
ازمحی السنۃ حضرت اقدس مولانا شاہ ابرارالحق صاحب رحمۃ اللہ علیہ
یعنی وہ دس اُمور (کام)جن کے التزام سے دین کے دوسرے احکام کی پابندی کی توفیق ان شا اللہ تعالیٰ ملے گی۔
۱۔ تقویٰ اور اخلاص کا اہتمام۔تقوی کا خلاصہ یہ ہے کہ فرائض وواجبات وسنن مؤکدہ کی پابندی کرنا اور ممنوعات سے بچنا،اخلاص کا حاصل یہ ہے کہ ہر کام اللہ تعالیٰ کی رضا اور خوشنودی کے لیے ہی کرنا۔
۲۔ظاہری گناہوں میں سے بدنگاہی،بدگمانی،غیبت،جھوٹ ،بے پردگی اور غیر شرعی وضع قطع رکھنے سے خصوصاً بچنا۔
۳۔اخلاق ذمیمہ(برے اخلاق) میں سے بے جا غصہ،حسد،عُجب،تکبر،کینہ اور حرص وطمع پر خصوصی نگاہ رکھنا۔
۴۔امر بالمعروف اور نہی عن المنکر کا انفرادًا واجتماعًا بہت اہتمام رکھنا۔ ان کے احکام اور آداب کو بھی معلوم کرنا۔ فضائل تبلیغ میں سے حدیث نمبر ۳ تا۷ کو باربار پڑھنا بالخصوص حدیث نمبر ۵ کو ۔
۵۔صفائی ستھرائی کا التزام رکھنا۔ بالخصوص دروازوں کے سامنے جن میں مساجد و مدارس کے دروازے خصوصاً توجہ کے مستحق ہیں ان کے سامنے زیادہ اہتمام صفائی کا رکھنا۔
۶۔نماز کی سنن میں سے قراءت ،رکوع،سجدہ اور تشہد میں انگلی اٹھانے کے طریقہ کو سیکھنا نیز اذان واقامت کی سنن کو توجہ سے معلوم کرکے ان پر عمل کی مشق کرنا۔
