سایہ عرش کا حصول |
ہم نوٹ : |
 |
تو نے مجھ کو کیا سے کیا شوقِ فراواں کردیا پہلے جاں پھر جانِ جاں پھر جانِ جاناں کردیا کہ آج ایک مسٹرمولویوں کا پیر بنا ہوا ہے۔ القائے الہام کے لیے ترمذی شریفکی دعا اللہ تعالیٰ ہم سب کو اپنا محبوب، اپنا مقبول بنالے اور ہماری جتنی خطائیں ہیں سب کو معاف کردے اور اللہ تعالیٰ ہمیں اپنی خطاؤں پر متنبہ بھی فرمادے۔ بعض لوگ ایسے ظالم ہوتے ہیں کہ انہیں اپنی خطا کا احساس بھی نہیں ہوتا۔ خدائے تعالیٰ ہمیں اپنی ناراضگی کے اعمال پر تنبیہ بھی عطا کردے کہ اس بات سے ہم خوش نہیں ہیں، دل میں آواز آنے لگے کہ اے میرے بندے! میں تیری اس ادا سے، اس قول یا فعل سے خوش نہیں ہوں۔ اور اس کے لیے بخاری شریف کی دعا بھی ہے، جو اس کو پڑھتا رہے گا ان شاء اللہ تعالیٰ اس کے قلب میں آواز آنے لگے گی، الہام ہونے لگے گا۔ ترمذی شریف کی دعا ہے : اللّٰہُمَّ اَلْہِمْنِیْ رُشْدِیْ وَاَعِذْنِیْ مِنْ شَرِّ نَفْسِیْ 9 ؎اے اللہ! اپنی پسند والے اچھے اچھے، نیک اور ہدایت کے ارادے میرے دل میں ڈال دے اور میرا نفس کہیں نیک ارادوں پر عمل کرنے میں آڑے نہ آجائے تو اس کمینے نفس کے شر سے بھی میری حفاظت فرما۔ یہ بخاری شریف کی دعا ہے۔ اس کے پڑھنے سے ان شاء اللہ دل میں ہدایت کے ارادے آنے لگیں گے اور بُرائیوں سے بچنے کی توفیق بھی شروع ہوجائے گی۔ اَلْہِمْنِیْ الہام سے ہے یعنی اے اللہ! اچھی اچھی باتیں دل میں ڈال دیں جن سے آپ خوش ہوجائیں۔ عربی میں رُشد کے معنیٰ ہدایت کے ہیں، اَللّٰہُمَّ اَلْہِمْنِیْ رُشْدِیْ یعنی میری ہدایت کے ارادے میرے دل میں عطا فرمادیں، وَاَعِذْنِیْ مِنْ شَرِّ نَفْسِیْ اور میرے نفس کے شر سے پناہ نصیب فرمائیں۔ بعض بندے خدا کے راستہ کو جانتے تو ہیں لیکن نفس کی غلامی کی وجہ سے اس پر چلنے _____________________________________________ 9؎جامع الترمذی:186/2،باب ماجاء فی جامع الدعوات،ایج ایم سعید