عظمت صحابہ |
ہم نوٹ : |
 |
ہمارے اکابر نے فرمایا کہ صحابہ تو بہت بڑے ہیں کسی ولی اللہ کے ساتھ گستاخی اور بدتمیزی کرنے والے اور اُنہیں بُرا بھلا کہنے والے سے اﷲ کا اعلانِ جنگ ہے۔ شیخ عبدالقادر جیلانی رحمۃ اللہ علیہ فرماتے ہیں خدا کی قسم! جہاد کے وقت ایک ادنیٰ صحابی کے گھوڑے پر جو گرد جمتی ہے عبدالقادر جیلانی اس گرد کے برابر بھی نہیں ہے۔ لیکن جملہ اولیاء اللہ کا احترام واکرام ہم پر لازم ہے۔ جب عام مسلمانوں کی غیبت حرام ہے: اَلْغِیْبَۃُ اَشَدُّ مِنَ الزِّنَا 27؎ تو اولیاء اللہ کے ساتھ جو لوگ بدتمیزی کرتے ہیں ان کے بارے میں حدیث ہے: مَنْ عَادٰی لِیْ وَلِیًّا فَقَدْ اٰذَنْتُہٗ بِالْحَرْبِ 28؎جو کسی ولی اللہ کو دُکھ پہنچاتا اور اُنہیں ستاتا ہے اس کے لیے اللہ تعالیٰ کا اعلانِ جنگ ہے۔ آیت وَ الَّذِیۡنَ جَاہَدُوۡا فِیۡنَا …الخ کی تفسیر اب اگلی آیت وَ الَّذِیۡنَ جَاہَدُوۡا فِیۡنَا لَنَہۡدِیَنَّہُمۡ سُبُلَنَا ؕوَ اِنَّ اللہَ لَمَعَ الۡمُحۡسِنِیۡنَ کی تفسیر بیان کرتا ہوں۔ علامہ قاضی ثنا ء اﷲ پانی پتی رحمۃ اﷲ علیہ نے تفسیرِ مظہری میں اس کی چار تفسیریں بیان کی ہیں: پہلی تفسیر …رضائے الٰہی کی تلاش میں مشقت اُٹھانے والے اَلَّذِیْنَ اخْتَارُوا الْمَشَقَّۃَ فِی ابْتِغَاءِ مَرْضَاتِنَا جو مجھ کو خوش کرنے کے لیے ہر تکلیف کو گوارہ کرتے ہیں۔ جس طرح بغیر مجاہدے اور گلاب کے پھول کی صحبت اُٹھائے تل کا تیل گلِ روغن نہیں ہوسکتا ایسے ہی بغیر مجاہدے کے اہل اللہ کی صحبت مکمل نافع نہیں ہوتی۔ لوگ لکھتے ہیں کہ صاحب سارے گناہ چھوڑدیے مگر نظر بچانے سے بہت تکلیف ہوتی ہے اس لیے یہ گناہ نہیں چھوٹ رہا ہے۔ بتاؤ!یہ وَالَّذِیۡنَ جَاہَدُوۡا میں شامل ہے؟ اس لیے اس کی تفسیرِ اوّل ہے: _____________________________________________ 27؎کشف الخفا ءومزیل الالباس للعجلونی :95/2(1814)،مکتبۃ العلم الحدیث 28؎صحیح البخاری:963/2،(6541)، باب التواضع،المکتبۃ المظہریۃ