عظمت صحابہ |
ہم نوٹ : |
 |
اہلِ علم ہونے کے باوجود سگریٹ پی رہے ہیں، جماعت سے نماز ہورہی ہے تو جماعت کی نماز نہیں پڑھتے لہٰذا کتب بینی کے ساتھ ساتھ قطب بینی بھی ضروری ہے۔ صحبتِ اہل اﷲ پر ایک الہامی مضمون جب پہلی وحی اِقۡرَاۡ بِاسۡمِ رَبِّکَ 23؎ نازل ہوئی تو اس وقت قرآن مکمل نازل نہیں ہوا تھا لیکن اس وقت جو صحابی ایمان لائے تو اﷲ کے رسول کی صحبت میں پہل کرنے کے صدقے میں ان کا مقام بعد کے لوگوں سے زیادہ ہوا، اللہ تعالیٰ نے اس کا انتظار نہیں فرمایا کہ صحابیت کا اعلیٰ مقام تب ملے گا جب قرآن مکمل نازل ہوجائے گا۔ لیکن جس وقت غارِ حرا میں اِقۡرَاۡ بِاسۡمِ رَبِّکَ نازل ہوئی تو ساری کتابیں اسی وقت منسوخ ہوگئیں۔ اس پر میں ایک شعر پڑھتا ہوں ؎ یتیمے کہ ناکردہ قرآں درست کتب خانۂ ہفت ملت بشست وہ یتیم نبی صلی اللہ علیہ وسلم جس پر قرآن ابھی مکمل نازل نہیں ہوا ساری توریت، انجیل، زبور اسی وقت منسوخ ہوگئیں حالاں کہ ابھی اِقۡرَاۡ بِاسۡمِ رَبِّکَ نازل ہوئی ہے، مکمل قرآن نازل نہیں ہوا۔ عظمت و مناقبِ صحابہ تو صحبت وہ نعمت ہے کہ اب قیامت تک کوئی صحابی نہیں ہوسکتا کیوں کہ صحابہ نے خدا دیدہ نگاہوں کو دیکھا تھا، اللہ کے رسول نے معراج میں اللہ تعالیٰ کو دیکھا تھا یا نہیں؟ تو جن صحابہ نے خدا دیکھنے والی آنکھوں کو دیکھا تھا اب وہ خدا دیدہ آنکھ قیامت تک کسی کو نصیب نہیں ہوسکتی لہٰذا اب قیامت تک کوئی صحابی نہیں ہوسکتا۔اور جو صحابہ کو بُرا کہتا ہے اس کے بارے میں سرورِ عالم صلی اﷲ تعالیٰ علیہ وسلم فرماتے ہیں: _____________________________________________ 23؎العلق:1