نفس کے حملوں سے بچاؤ کے طریقے |
ہم نوٹ : |
 |
اس لیے عرض کرتا ہوں کہ اپنے مطالعے پر ناز مت کرو، تصنیف وتالیف پر ناز مت کرو، عمل کرکے مخلوق کو مت دکھاؤ، ورنہ خدا کے نزدیک قیامت کے دن اور حجت ہوجائے گی۔ اللہ میاں پوچھیں گے کہ خانقاہ میں رہتے تھے، اچھا بڑے علوم حاصل کیے تھے، ایسے معارف کے ساتھ آپ یہ کیا کرتے تھے!یہ علوم کا تم نے شکریہ ادا کیا؟ دیکھو اللہ تعالیٰ کے نبی نے کیا بات سکھائی اَللّٰھُمَّ ارْحَمْنِیْ بِتَرْکِ الْمَعَاصِیْ اے اللہ !ہم پررحمت نازل فرما۔ کیسے؟ گناہوں کو چھوڑدینے کے ذریعے سے۔ کیا مطلب؟ کہ جس کو ترکِ معصیت کی توفیق نہیں ہے جو گناہ نہیں چھوڑ رہا ہے وہ اللہ تعالیٰ کی رحمت سے محروم ہے۔ دیکھیے! وہی اِلَّا مَا رَحِمَ چلا آرہا ہے ،وہی خاص رحمت حضور صلی اللہ علیہ وسلم مانگ رہے ہیں۔ اللہ تعالیٰ نے میرے قلب میں اس آیت سے یہ مضمون ڈالا اور کتنی حدیثوں سے اس کی تفسیر ہورہی ہے اَللّٰھُمَّ ارْحَمْنِیْ بِتَرْکِ الْمَعَاصِیْ اے اللہ! ہم پر رحم نازل کردیجیے ۔ کون سا رحم؟ ترکِ معاصی والا جس سے ہم معصیت چھوڑدیں یعنی وہی اِلَّا مَارَحِمَ رَبِّیْ والی رحمت، اور نفس کے شر سے میں بچ جاؤں۔اور تیسری کیا چیز ہے؟ ایک دعا اور بھی سکھائی اَللّٰھُمَّ لَاتُشْقِنِیْ بِمَعْصِیَتِکَ اے اللہ !مجھے بدبخت نہ بنائیے گناہوں کے ذریعے سے لَاتُشْقِنِیْ یعنی میری قسمت کوبدبختی سے بچائیے، بِمَعْصِیَتِکَ یعنی اپنی نافرمانی سے ہمیں شقاوت وبدبختی میں مبتلا نہ کیجیے، شقی ہے وہ شخص جو اللہ کی نافرمانی کرتا ہے، شقاوت اسی سے پیدا ہوتی ہے، گناہ کرتے کرتے حیاختم ہو جاتی ہے، یہاں تک کہ اللہ پناہ میں رکھے حالات بگڑتے بگڑتے اتنافاصلہ ہو جائے گا کہ ایمان کے سلب کا خطرہ ہے۔ الفاظِ نبوت تو دیکھو، اَللّٰھُمَّ لَاتُشْقِنِیْ بِمَعْصِیَتِکَ اے اللہ !اپنی نافرمانیوں سے ہمیں شقی وبدبخت نہ بنائیے۔ حق تعالیٰ کی قدرتِ قاہرہ کے مظاہر کیوں کہ اللہ کو ناراض کرنا اپنے پالنے والے خالق کو، خالقِ سمندرو پہاڑ ،خالقِ ریگ ودریا،خالقِ آفتاب وچاند کو ناراض کرنا ہے۔جس نے سارا عالم ہمارے لیے پیدا کیا ہے، اتنی بڑی دنیا کا گولا فضاؤں میں پڑا ہواہے، نیچے کوئی ستون نہیں، ذرا سوچئے ! سارا گول سمندر فضا میں معلق ہے،آپ فضا میں ایک چمچہ پانی ڈالیں سارا گرجائے گا یا نہیں؟ اور سمندر کو اللہ نے بغیر سہارے کے اٹھایا ہوا ہے اور کہیں سے ٹپک نہیں رہا ہے اور پھر دنیا کے گولے کی بعض سطح ایسی ہے اس پر