نفس کے حملوں سے بچاؤ کے طریقے |
ہم نوٹ : |
 |
اَللّٰھُمَّ بَاعِدْبَیْنِیْ وَبَیْنَ خَطَایَایَ کَمَابَاعَدتَّ بَیْنَ الْمَشْرِقِ وَالْمَغْرِبِ اےاللہ! میرے اور میری خطاؤں کے درمیان اتنا فاصلہ کردے جتنامشرق و مغرب کا فاصلہ ہے۔ دیکھا آپ نے!قرآنِ پاک کی اس آیت سے کلامِ نبوت کو ملاؤ، تب پتا چلتا ہے کہ آپ صلی اللہ علیہ وسلم اللہ تعالیٰ کے سچے رسول ہیں اور آپ صلی اللہ علیہ وسلم کے علومِ نبوت دلیلِ نبوت ہیں۔ دیکھا آپ نےکہ وَ یُمۡدِدۡکُمۡ بِاَمۡوَالٍ وَّ بَنِیۡنَ 23؎ میں جہاں اللہ تعالیٰ نے مال کو مقدم کیا حضور صلی اللہ علیہ وسلم نے حضرت انس رضی اللہ عنہ کو جو دعا دی اس میں بھی مال کو مقدم کیا اَللّٰھُمَّ بَارِکْ فِیْ مَالِہٖ اور یہاں اللہ تعالیٰ نے جب نازل کیا کہ گناہوں کے قریب بھی نہ رہو،تو اللہ کے نبی نے فوراً دعا مانگی کہ اےاللہ!آپ اپنی رحمت سے ہم کو گناہوں سے اتنا دور کردیجیے جتنا فاصلہ مشرق اور مغرب کے درمیان ہے۔ اس کے بعد پھر حضور صلی اللہ علیہ وسلم نے ایک دعا اور سکھائی: اَللّٰھُمَّ ارْحَمْنِیْ بِتَرْکِ الْمَعَاصِیْ اے اللہ! ہمیں وہ رحمت عطا فرمادے جس سے گناہوں کو چھوڑنے کی توفیق ہو جائے۔ سبحان اللہ! کیا دعا سکھائی۔ دوستو! اگر یہ لڈونہ کھاؤ تو قیامت کے دن سوچ لینا ؎ہم بلاتے تو ہیں ان کو مگر اے ربِّ کریم سب پہ بَن جائے کچھ ایسی کہ بِن آئے نہ بنے یہ ہم سب پر حجت ہے، اس مقرر پر بھی حجت ہے کہ کیا کہتے ہو اور کیا عمل کرتے ہو! اَسْتَغْفِرُ اللہَ مِنْ قَوْلٍ بِلَا عَمَلٍ جس قول پر عمل نصیب نہ ہو اس قول سے بھی بزرگوں نے استغفارکیا ہے۔ توبہ استغفارپر رسالے لکھنے والے اور توبہ پر مضامین جمع کرنے والے اور وعظ کے لیے منبروں پر جلوہ فرمانے والے خود تو بہ نہیں کررہے ہیں ؎واعظاں کہ جلوہ بر محراب و منبر می کنند توبہ فرمایاں چرا خود توبہ کمتر می کنند _____________________________________________ 23؎نوح: 12