مقام اولیاء صدیقین |
ہم نوٹ : |
 |
دروازۂ صدیقیت قیامت تک کھلا رہے گا اللہ تعالیٰ نے اولیائے صدیقین کو سب سے اونچا مقام دیا ہے۔ اور میرے شیخ فرماتے تھے کہ حضرت ابوبکر صدیق رضی اللہ عنہ پر صدیقیت ختم نہیں ہے، صدیقیت کا دروازہ قیامت تک کے لیے کھلا رہے گا۔ دلیل سن لو۔ میں تصوف ان شاء اللہ بلادلیل کے پیش نہیں کروں گا: اُولٰٓئِکَ مَعَ الَّذِیۡنَ اَنۡعَمَ اللہُ عَلَیۡہِمۡ مِّنَ النَّبِیّٖنَ وَ الصِّدِّیۡقِیۡنَ... الخ 12؎صدیقین جمع ہے یا مفرد؟ جمع کا لفظ ہے۔ معلوم ہوا کہ حضرت ابوبکر رضی اللہ عنہ پر صدیقیت ختم نہیں ہے اور اللہ تعالیٰ نے نبی صلی اللہ علیہ وسلم کے لیے تو فرمایا خاتم النبیین لیکن صدیقِ اکبر کو خاتم الصدیقین نہیں فرمایا کہ صدیقِ اکبر پر صدیقیت ختم ہے، اور حدیث میں ہے کہ لَانَبِیَّ بَعْدِیْ میرے بعد کوئی نبی نہیں ہے، مگر کس حدیث میں ہے کہ میرے صدیقِ اکبر کے بعد کوئی صدیق نہیں ہے، لہٰذا قیامت تک صدیقین پیدا ہوتے رہیں گے لیکن حضرت ابوبکر جیسا صدیق اب کوئی نہیں ہوسکتا کیوں کہ آپ کی صدیقیت معیتِ سید الانبیاء سے مشرف ہے، اور قیامت تک آنے والا کوئی بڑے سے بڑا ولی بھی کسی ادنیٰ صحابی کے برابر نہیں ہوسکتا اور حضرت صدیقِ اکبر تو صحابہ میں بھی سب سے افضل ہیں اور اَفْضَلُ الْبَشَرِ بَعْدَ الْاَنْبِیَاءِ ہیں لیکن اولیائے صدیقین قیامت تک پیدا ہوتے رہیں گے، لہٰذا صدیقیت کے اس اعلیٰ مقام پر جانے کی تمنا ہے کہ نہیں؟یہ بتاؤ کیا مرنے کے بعد دوبارہ کسی کو آنا ہے؟ جو محنت کرنی ہے ابھی کرلو۔ مرنے کے بعد دوبارہ حیات نہیں ملے گی، پچھتاؤگے۔ لہٰذا اولیائے صدیقین کی آخری سرحد تک پہنچنے کے لیے اختر آج آپ کو تدبیر پیش کررہا ہے۔ اللہ تعالیٰ مجھ کو بھی اپنی تقریر پر توفیقِ عمل دے اور آپ کو بھی توفیقِ عمل دے کیوں کہ مقرر بھی اپنی تقریر پر عمل کرنے کے لیے توفیقِ خدائے تعالیٰ کا محتاج ہے۔ صدیقین کی چار تعریفات لیکن اولیائے صدیقین کی آخری سرحد چھونے کے لیے آپ کو صدیقین کی تعریف کا _____________________________________________ 12؎النساۤء: 69