مقام اولیاء صدیقین |
ہم نوٹ : |
 |
خلاف نہ جائے جیسا قول ہو ویسا عمل ہو۔ بعض وقت حال آدمی زیادہ دکھاتا ہے اور نعرہ بھی مارتا ہے مگر مولانا شاہ محمد احمد صاحب رحمۃ اللہ علیہ فرماتے ہیں جو سنت کا متبع نہیں ہے اس کا حال بھی قبول نہیں ہے۔ ان کا شعر سنیے۔ فرماتے ہیں ؎حال تیرا جال ہے مقصود تیرا مال ہے کیا خوب تیری چال ہے لاکھوں کو اندھا کردیا بڑے بڑے ایم۔ایس قبروں کو سجدہ کررہے ہیں، امریکا سے ایم ایس ہیں، مگر ایم۔ ایس سے کیا ہوتا ہے؟ اللہ تعالیٰ سچا پیر، متبعِ سنت دے دے تو سمجھ لو کہ انعاماتِ عظیمہ میں سے ہے، نعمتِ عظمیٰ ہے۔ صدیق کی دوسری تعریف نمبر۲۔ اَلَّذِیْ لَا یَتَغَیَّرُ بَاطِنُہٗ مِنْ ظَاہِرِہٖ جس کے باطن میں تغیر نہ ہو اگرچہ ظاہر کچھ بھی ہو ؎کوئی جیتا کوئی مرتا ہی رہا عشق اپنا کام کرتا ہی رہا نسبت اتنی قوی ہوجائے کہ مسجد کے گوشے میں جتنا باخدا ہو اتنا ہی کلفٹن اور بندر روڈ پر بھی باخدا ہو، جتنا قرب اس کو کعبہ شریف میں حاصل ہے اتنا ہی قرب اللہ تعالیٰ کے فضل وکرم سے سارے عالم میں ہو، کیوں کہ کعبہ والا اس کے ساتھ ہے، کعبہ والا اس کے دل میں ہے۔ بتاؤ کعبہ زیادہ افضل ہے یا کعبہ والا؟ گھر زیادہ افضل ہے یا گھر والا؟ تو جب انسان گھر والے کو پاجاتا ہے تو ہر جگہ وہ اللہ والا رہتا ہے لیکن جس پر حج فرض ہو اس کو کعبہ میں جانا پڑے گا، حجِ فرض کعبہ میں ہی ادا ہوگا۔مطلب یہ ہے کہ جو اللہ والا ہوتا ہے وہ صرف کعبہ میں اللہ والا نہیں ہوتا سارے عالم میں جہاں بھی جائے اللہ والا ہی رہتا ہے۔ اللہ تعالیٰ کا ایسا تعلق اس کو نصیب ہوتا ہے کہ وہ کہیں بھی اللہ کو ناراض نہیں کرتا۔ لیکن اس کے لیے محنت کرنی پڑے گی، تقریر سے یہ چیز نہیں ملے گی۔ آپ بتائیے کہ میٹرک کا کورس کوئی بتادے تو میٹرک پاس ہوجائے گا؟ کورس کرنا پڑے گا۔ استاد رکھنا پڑے گا، اسکول جانے کا موقع نہیں تو ٹیوشن کرنا پڑے گی۔ میں اولیائے صدیقین