تعلیم و تزکیہ کی اہمیت |
ہم نوٹ : |
نبوت کی جانِ عاشق نے نماز کو آنکھوں کی ٹھنڈک فرمایا، نماز کی بدولت اللہ کے قُرب کی جو ٹھنڈک ہے یہی ٹھنڈک دائمی ہے، باقی سب چیزیں فانی ہیں، بنیاد اللہ کے اسی قرب پر رکھو ۔اس لکڑی پر سہارا مت لو جس کو دیمک کھارہی ہو، کسی دن لکڑی ٹوٹے گی اور آپ زمین بوس ہوجائیں گے۔ لہٰذااحمقوں کی زندگی مت گزارو، اللہ کی یاد سے اپنے دل کا سہارا حاصل کرو جو غیر فانی ہے۔ اس موقع پر حضرت صدیقِ اکبر رضی اللہ عنہ بھی موجود تھے۔ صدیقِ اکبر رضی اللہ عنہ نے عرض کیا: اے اللہ کے رسول (صلی اللہ علیہ وسلم)! مجھے بھی کائنات میں تین چیزیں سب سے زیادہ محبوب ہیں۔ سیدالانبیاء صلی اللہ علیہ وسلم کے سامنے وہ اپنی تین چیزیں پیش کررہے ہیں۔ آپ صلی اللہ علیہ وسلم نے بھی غور سے سنا کہ پتا نہیں! ابوبکر کو کیا چیزیں پسند ہیں؟ اللہ کے رسول بھی منتظر تھے کہ دیکھیں ابوبکر صدیق کیا چیز پیش کررہا ہے۔ حضرت صدیقِ اکبر رضی اللہ تعالیٰ عنہ نے عرض کیا اَلنَّظَرُ اِلَیْکَ اے اللہ کے رسول (صلی اللہ علیہ وسلم) ایک نظر جب آپ کو دیکھتا ہوں تو کائنات کی ساری لذتوں سے زیادہ آپ کو دیکھنے میں مزہ آتا ہے۔ صدیقِ اکبر رضی اللہ تعالیٰ عنہ کی اس بات سے اُن کے عشقِ نبوت کا پتا چلتا ہے ، اس لیے اُمّت میں وہ اللہ کے بھی سب سے بڑے عاشق تھے، اللہ کی محبت کی وجہ سے ہی اُن کو اللہ کے رسول کو ایک نظر دیکھنا ساری کائنات سے زیادہ محبوب تھا۔ اس ذوقِ صدیقیت سے اہل اللہ کی محبت سیکھو۔کیا فرمایا اَلنَّظَرُ اِلَیْکَ اے اللہ کے نبی(صلی اللہ علیہ وسلم)! جب آپ کو ایک نظر دیکھتا ہوں تو ایک نظر مجھے سارے عالَم سے لذیذ تر ہے۔ وَالْجُلُوْسُ بَیْنَ یَدَیْکَ اور جب آپ کے پاس بیٹھتا ہوں تو مجھے سارے عالم سے زیادہ لذیذ تر ہے کہ میں ایک سیکنڈ آپ کی صحبت میں بیٹھ جاؤں۔ اسی کو حکیم الامت نے فرمایا تھا کہ اہل اللہ کی صحبت ایک لاکھ سال کی اخلاص کی عبادت سے افضل ہے۔ اس کی شرعی دلیل مجھ سے کسی اور وقت میں پوچھ لینا، خانقاہ میں ابھی ٹھہرا ہوا ہوں۔ بخاری شریف سے ان شاء اللہ ثابت کروں گا۔ تو دو بات ہوگئیں۔ تیسری کیا ہے؟ وَاِنْفَاقُ مَالِیْ عَلَیْکَ 10؎اور اپنا مال جب آپ پر خرچ کرتا ہوں تو اتنا مزہ آتا ہے کہ سارے عالَم سے زیادہ یہ مجھے عزیز تر ہے۔اس زمانے میں دو عمل صورتاً جاری _____________________________________________ 10؎کشف الخفاء للعجلونی: 241/1،داراحیاء التراث، بیروت