حیات تقوی |
ہم نوٹ : |
|
اس وعظ کا تعارف بعض سالکین بوجہ لاعلمی کے گناہوں کے تقاضوں کو تقویٰ کے منافی سمجھتے ہیں اور اس وجہ سے ان تقاضوں سے سخت پریشان رہتے ہیں حتیٰ کہ شیطان ان کو بہکاتا ہے کہ ان تقاضائے معصیت کے ہوتے ہوئے تم اللہ والے نہیں بن سکتے لہٰذا غیر صحبت یافتہ اور حقیقت دین و تصوف سے ناآشنا نہ جانے کتنے لوگ معصیت اور تقاضائے معصیت میں فرق نہ کرسکے اور مایوس ہوکر منزل قربِ حق سے محروم ہوگئے ۔ شیخ العرب والعجم عارف باللہ مجدد زمانہ حضرت اقدس مولانا شاہ حکیم محمد اختر صاحب رحمۃ اللہ علیہ نے اپنے اس وعظ ’’حیاتِ تقویٰ‘‘ میں نصِ قرآنی سے ثابت فرمایا کہ گناہوں کے تقاضے راہ سلوک میں میں قطعاً مضر نہیں ، ان تقاضوں پر عمل کرنا مضر ہے ۔ بلکہ اگر یہ تقاضے نہ ہوں تو کوئی متقی بن ہی نہیں سکتا ۔حضرت والا کاقرآنی آیات و احادیث پاک سے مدلل یہ وعظ مایوس سالکین طریق کے لیے نسخہ کیمیااور آفتاب امید ہے۔