حیات تقوی |
ہم نوٹ : |
|
نہیں سمجھیں گے کیوں کہ جانتے ہیں کہ شہزادہ ہے، نہ معلوم کب چہرہ کو دھولے اور چاند کی طرح چمک جائے۔ بس اس سے سمجھ لیجیے کہ فعل سے نفرت کیجیے لیکن فاعل کو حقیر نہ سمجھیے کیوں کہ ہوسکتا ہے کہ ابھی توبہ کرکے ایمان لاکر ولی اللہ ہوجائے۔ البتہ جس کو نافرمانی میں مبتلا دیکھے تو دُعا کرلے کہ یااللہ! ان کے فعل سے ہم کو محفوظ فرما اور یہ دعا بھی پڑھ لے: اَلْحَمْدُلِلہِ الَّذِیْ عَافَانِیْ مِمَّا ابْتَلَاکَ بِہٖ وَفَضَّلَنِیْ عَلٰی کَثِیْرٍ مِّمَّنْ خَلَقَ تَفْضِیْلًا 7؎ شکر ہے کہ اے خدا! آپ نے مجھے اس گناہ میں مبتلا نہیں فرمایا۔ اگر کبھی کسی کو دیکھو اور اوّل تو دیکھو ہی نہیں لیکن کبھی نظر پڑجائے کہ کوئی کسی ٹیڈی کو دیکھ رہا ہے تو فوراً اپنی نظر بچاکر کہو کہ اے اللہ! آپ کا احسان ہے کہ آپ نے مجھے اس مصیبت سے بچایا ہوا ہے، اس روحانی بیماری سے محفوظ رکھا ہے۔ حصولِ تقویٰ کا آسان طریقہ اب میں آپ سے اپنے شیخ و مرشد شاہ عبدالغنی صاحب رحمۃ اللہ علیہ کی بات عرض کرتا ہوں۔ حضرت نے فرمایا کہ اللہ تعالیٰ کا کمالِ رحمت ہے کہ جہاں تقویٰ فرض کیا، تقویٰ کو آسان کرنے کا نسخہ بھی بیان کردیا۔ وہ کیا ہے؟ وَ کُوۡنُوۡا مَعَ الصّٰدِقِیۡنَ ﴿۱۱۹﴾ 8؎ اہل تقویٰ کے ساتھ رہو۔ دیکھتا ہوں کہ کب تک گناہ کروگے۔ ان کے ساتھ رہتے رہتے ایک دن مزاج بدل جائے گا۔ پہلے جو بھنگی پاڑہ میں رہتا تھا لیکن اب باغ میں رہتا ہے، پھولوں میں رہتا ہے، چنبیلی اور گلاب کے درمیان رہتا ہے، اس کا مزاج بھنگی پن کا ختم ہوجاتا ہے۔ پھر وہ بھنگی پاڑے میں جاکر گو کا کنستر نہیں سونگھے گا۔ ہمت سے کچھ دن تک بھنگی پاڑہ جانا چھوڑدو۔ عشق مجازی کے شدید بیماروں کے لیے نسخۂ اصلاح اگر خانقاہ سے نکلنے میں خطرہ ہے کہ نفس پھر بھنگی پاڑہ لے جائے گا اور گناہ کرادے _____________________________________________ 7 ؎سنن الترمذی:181/2، باب مایقول اذا رأی مبتلی،ایج ایم سعید 8 ؎التوبۃ: 119