حیات تقوی |
ہم نوٹ : |
 |
سکھا کر اوپلا اور معدہ زمین کو گرم کرکے اس کے لیکوئیڈ کو کھاد بناتا ہے اسی طرح گناہوں کے تقاضوں کو مجاہدہ کے سورج کی شعاعوں سے سوکھنے دو یعنی تقاضوں پر عمل نہ کرو تو ایک دن نورِ تقویٰ پیدا ہوجائے گا، لیکن اگر کوئی گوبر کو سوکھنے ہی نہ دے اور روزانہ بیل اس پر تازہ گوبر کردے تو جو حصہ سورج نے خشک کیا تھا وہ پھر نرم ہوجائے گا اور خشک نہیں ہونے دے گا اور معدہ زمین جو گرم ہوا تھا چوسنے کے لیے وہ پھر ٹھنڈا ہوجائے گا اور سورج کی شعاعوں کی ساری نعمت ضایع ہوجائے گی۔ ایسے ہی بعض لوگ بدپرہیزی کرکے اپنے شیخ کی محنتوں کو ضایع کردیتے ہیں۔ وَاِلَی اللہِ الْمُشْتَکٰی اور اللہ تعالیٰ ہی سے میری فریاد ہے۔ فلاح کے معنیٰ اور آیت پاک کا ترجمہ یہ ہے قَدۡ اَفۡلَحَ مَنۡ زَکّٰىہَا جس نے اپنا تزکیہ کرلیا اس کو دونوں جہاں کی فلاح مل گئی، وہ دونوں جہاں پاگیا، دنیا بھی پاگیا آخرت بھی، کیوں کہ فلاح کے معنیٰ ہی یہ ہیں جَمِیْعُ خَیْرِ الدِّیْنِ وَالدُّنْیَا پوری دنیا کی فلاح، پوری آخرت کی فلاح،دونوں جہان پاگیا وہ جس نے اپنا تزکیہ کرلیا اور مزکّٰی کا حکم مان لیا، جو تزکیہ کرنے والا شیخ ہے اس کا حکم مان لیا۔ شیخ جیسے کہے ویسے کرلو، نہ خاندان دیکھو نہ پان دان دیکھو، جان دے دو۔ ان شاء اللہ! یہی خاندان تمہاری جوتیاں اُٹھائے گا۔ بس دعا کیجیے کہ اللہ تعالیٰ ہم سب کو عمل کی توفیق دے۔ اے اللہ! رحمۃ للعالمین صلی اللہ علیہ وسلم کے صدقہ میں میرے اس وعظ کو قبول فرما اور اس وعظ کو قبول فرماکر یااللہ! واعظ کو بھی اور جتنے سامعین ہیں ان سب کو، میری زبان کو، میرے دوستوں کے کانوں کو قبول فرماکر ہم سب کو مجسم مکمل مقبول فرما اور اپنی رحمت سے ہمارے سینوں سے مجرم دل کو نکال کر اے خدا! اس مجرم دل کو اللہ والا دل بنادے، تقویٰ والا بنادے۔ آپ تو قادر ہیں کہ آگ کو پانی کردیں، پانی کو آگ کردیں، خوشی کو غم کردیں غم کو خوشی کردیں۔ ہمارے دل کو درد بھرا دل عطا فرمادیں اور اللہ والا دل عطا فرمادیں۔ سلامتی اعضاء اور سلامتی ایمان کے ساتھ حیات نصیب فرمائیے۔ سلامتی اعضا اور سلامتی ایمان کے ساتھ دنیا سے اُٹھائیے۔یہ دعا ہمارے لیے، ہمارے بچوں کے لیے، آپ