حیات تقوی |
ہم نوٹ : |
|
سب کے لیے، آپ کے بچوں کے بچوں کے لیے، گھر والوں کے لیے یااللہ! سارے عالَم کے مسلمانوں کے لیے قبول فرما۔ یارب العالمین! ہم سب کو اپنے اولیائے صدیقین کی جو آخری سرحد ہے یعنی نسبتِ اولیائے صدیقین وہ اخترؔ کو، اس کی اولاد کو، گھر والوں کو، اس کے رشتہ داروں کو اور میرے سارے سامعین حضرات کو، ان کے گھر والوں کو یااللہ! اپنی رحمت سے نسبتِ اولیائے صدیقین عطا فرمادے۔ اور ایک دعا آج کل اختر مانگ رہا ہے آپ سب سے آمین کی درخواست کرتا ہوں کہ اے خدا! ہم سب کو ایسا ایمان، ایسا یقین عطا فرمادے کہ ہماری زندگی ہر سانس آپ پر فدا ہو اور ایک سانس بھی ہم آپ کو ناراض نہ کریں، ایسی محبت اپنی عطا فرمادیجیے، ایسا جذبہ عطا فرمادیجیے، ایسی عظیم ہمت عطا فرمادیجیے کہ اے خالق حیات! اے ہماری زندگی کے پیدا کرنے والے! اور ہماری زندگی کو باقی رکھنے والے! اور ہماری زندگی کو پالنے والے! اپنی رحمت سے ہماری زندگی کے اندر ایسا ایمان اور یقین بھردیں کہ ہماری زندگی کی ہر سانس آپ کی رضا اور خوشی کے اعمال پر فدا ہو اور آپ کو ایک سانس بھی ہم ناراض نہ کریں یعنی آپ کی نافرمانی میں ایک سانس بھی مبتلا نہ ہوں۔ اگر کبھی خطا ہوجائے تو اے اللہ! توفیق توبہ سے سجدہ گاہوں کو آنسوؤں سے تر کرکے نہایت ہی ندامت کے ساتھ توبہ کی توفیق عطا فرمادیجیے۔ ہماری دنیا و آخرت سب بنادیجیے۔ وَاٰخِرُ دَعْوَانَا اَنِ الْحَمْدُ لِلہِ رَبِّ الْعَالَمِیْنَ وَصَلَّی اللہُ تَعَالٰی عَلٰی خَیْرِ خَلْقِہٖ مُحَمَّدٍ وَّاٰلِہٖ وَصَحْبِہٖ اَجْمَعِیْنَ بِرَحْمَتِکَ یَااَرْحَمَ الرَّاحِمِیْنَ نقشِ قدم نبی کے ہیں جنّت کے راستے اللہ سے مِلاتےہیں سُنّت کے راستے