ماہنامہ انوار مدینہ لاہور اپریل 2016 |
اكستان |
 |
اِسلامی حکومت اگرصحیح اُصولوں پر کارفرما ہو تو اُس کو بجا طورپر فخر کرنے کا حق ہوگا، وہ غیرمسلموں کو شہری حقوق مسلمانوں کے برا بر بلکہ بعض صورتوں میں مسلمانوں سے زیادہ حقوق دیتی ہے مثلاً مسلمان شراب کا کوئی دھندا نہیں کر سکتا نہ کشید کر سکتاہے نہ اُس کو خرید یا فروخت کرسکتا ہے اِسی طرح مسلمان خنزیر اور بعض ائمہ کے نزدیک ہاتھی کی تجارت بھی نہیں کر سکتا مگر غیر مسلموں کو اِن کے کار وبار کی اِجازت ہوتی ہے، ہدایت صرف یہ ہوتی ہے کہ بر سرِ عام نہ ہو۔ شہری حقوق میںاِس فراخ حوصلگی کے کے باو جود اُن پر نہ دفاعی اور جنگی ذمہ داری ہے نہ تر قیاتی منصوبوں کے مطالبات اُن پر لازم ہوتے ہیںاَلبتہ کسی غیر مسلم قوم نے جب مسلمانوں کی قیادت تسلیم کی تھی اُس وقت کوئی ایسا معاہدہ کیا تھا جس کی بنا ء پر دفاع میں شرکت کی ذمہ داری اُن پر لازم آتی ہے تو مسلمانوں پر فرض ہو گا کہ وہ معاہدہ کی ہر دفعہ کی پوری پوری پابندی کریں۔ (وَاَوْفُوْا بِالْعَہْدِ ج اِنَّ الْعَھْدَ کَانَ مَسْئُُوْلًا) (سُورۂ بنی اسرائیل : ٣٤ ) ''عہد پو را کرو عہد کے بارے میں تم سے باز پرس کی جائے گی۔ '' خلفائے راشدین کی وصیتیں دُنیا کے سامنے موجود ہیں وہ وفات کے وقت بھی تاکید کیا کرتے تھے کہ جن (غیر مسلم اَقلیتوں)سے معاہدہ ہوا ہے وہ اللہ اور اُس کے رسول کی پناہ میں ہیں اِس پناہ میں کوئی رخنہ نہ آئے۔ (جاری ہے) ض ض ض ماہنامہ اَنوار مدینہ لاہور میں اِشتہار دے کر آپ اپنے کاروبار کی تشہیر اور دینی اِدارہ کا تعاون ایک ساتھ کر سکتے ہیں ! نرخ نامہ بیرون ٹائٹل مکمل صفحہ 2000 اَندرون رسالہ مکمل صفحہ 1000 اَندرون ٹائٹل مکمل صفحہ 1500 اَندرون رسالہ نصف صفحہ 500