ثبوت قیامت اور اس کے دلائل قرآن پاک کی روشنی میں |
ہم نوٹ : |
 |
انہوں نے بغیر میرے پوچھے ہوئے یہ اعلان کردیا کہ آج آزاد میدان مسجد محلہ ہیرآ باد میں شارح مثنوی مولانائے روم کی تقریر ہوگی۔ میں نے اس سے پہلے کبھی تقریر نہیں کی تھی، مجلس میں بیٹھ کر باتیں کرلینا اور ہے، منبر پر تقریر کرنا اور ہے۔ اس شخص نے بغیر میرے پوچھے مجھے بٹھلادیا اور مقتل میں پیش کردیا۔ میرا دل دھڑکنے لگا، چوں کہ میں نے کبھی مجمع عام سے خطاب نہیں کیا تھا، اس لیے مارے ڈر کے زبان خشک ہوگئی، الفاظ ادا ہونے کے لیے دہن میں لُعابِ دہن نہیں تھا، مگر اس شخص کے اخلاص وآبرو کو اللہ نے رکھ لیا کہ مضامین آنے لگے اور بیان ہوگیا۔ میرا پہلا بیان یہیں ہیر آباد سے شروع ہوا۔ اس کے بعد جب بیٹری چارج ہوگئی تو ساری دنیا میں اللہ تعالیٰ کا شکر ہے کہ اب کوئی تکلف نہیں ہوتا۔ مگر مقرر سازی اُسی نے سکھائی، زبردستی دریا میں پھینک دیا کہ تیرنا نہیں جانتے، مگر اب تیروگے جان بچانے کے لیے۔ تو حافظ عبدالقدیر صاحب کے یہاں میرا آنا جانا شروع ہوا اور اُن ہی کے گھر سے دعوت وتبلیغ کا کام حیدرآباد میں شروع ہوا۔ میں ہر مہینہ آیا کرتا تھا مگر اب ضُعف کی وجہ سے اور کچھ مصروفیات کی وجہ سے آنا نہیں ہورہا، تو حضرت مفتی صاحب کے ساتھ یہ بھی پہنچ گئے اور میرپور خاص سے ہمارے ایک پیر بھائی بھی پہنچ گئے، تینوں نے خواہش ظاہر کی کہ بہت عرصہ ہوا سندھ کے اندرونی ضلعوں میں اور قصبات میں آنا نہیں ہوا، تو تینوں بزرگوں کو دیکھ کر بڑی ہمت ہوگئی۔ ہمدرد نے تو شربت روح افزا ایجاد کیا ہے مگر بزرگوں کی صحبت شربت ہمت افزا ہے اور شربت محبت افزابھی ہے، تو ان حضرات کی خواہش پر میں یہاں حاضر ہوا ہوں ؎میں خود آیا نہیں لایا گیا ہوں محبت دے کے تڑپایا گیا ہوں سمجھتا خاک اسرارِ محبت نہیں سمجھا میں سمجھایا گیا ہوں عصرِ حاضر میں علماء کو اچھا لباس پہننے کی ترغیب اور یہاں آنے سے پہلے یہ جبہ بھی مجھے ہدیہ ملا، مکہ شریف میں ایک دوست ہیں