مفید ہو؟ ابّا اپنے بیٹے کو اگر کسی چیز سے منع کریں گے تو کیا وہ مفید ہوگی؟ مفید کام سے ابّا اپنی اولاد کو منع کرسکتے ہیں؟ ربّا کے بارے میں کیا یہی سمجھتے ہو کہ باپ کی رحمت کا خالق، ماں کی رحمت کا پیدا کرنے والا، وہ ہمیں مفید باتوں سے منع کردے گا؟ جس میں ہمارا نقصان تھا ان ہی چیزوں سے منع کردیا۔ مثلاً نامحرم عورت پر نظر ڈال دی، تو ہوسکتا ہے کہ وہ زیادہ پسند آجائے اور تم اپنی بیوی پر ظلم کرنے لگو، بدنگاہی سے شریعت اس لیے منع کرتی ہے۔ آج کتنے گھر رو رہے ہیں، اِدھر اُدھر نظر ڈالی، وہاں پھنس گئے، اب بیوی بے چاری رات دن رو رہی ہے، کہتی ہے:تعویذ دے دو، شوہر تو میری طرف منہ ہی نہیں کررہے ہیں، وہ کسی اور لڑکی سے پھنسے ہوئے ہیں۔ سارے گھر کا چین چھن جاتا ہے۔ دیکھو! شریعت نے نگاہ کی حفاظت کا حکم دیا، اس سے کتنا فائدہ ہے کہ جو لوگ جتنا آنکھوں کو بچاکر رکھتے ہیں، جتنے پرہیزگار ہوتے ہیں وہ اپنی بیویوں سے جیسی محبت کرتے ہیں اُس کی مثال نہیں مل سکتی ۔اور جو لوگ بدنگاہی میں مبتلا ہیں اُن کے اخلاق خراب ہیں، اُن کی بیویاں رو رہی ہیں۔ مجھ سے تو پوچھو، میرے پاس تو یہ ساری خبریں آتی رہتی ہیں۔ بعض بیویاں روتی ہوئی کہتی ہیں کہ صاحب! جی چاہتا ہے کہ زہر کھالوں، شوہر فلاں عورت کے پاس جاتا ہے، رات کو بارہ بجے آتا ہے، مجھ سے ٹھیک سے بات بھی نہیں کرتا، کہتا ہے کہ مجھے تم اچھی نہیں لگتی ہو، اس لیے میں فلاں عورت کے پاس جاتا ہوں، مجھ سے منہ پھیر کر سو جاتا ہے۔ بدنگاہی سے گھر دوزخ بن جاتا ہے،اس لیے جو جتنا شریعت کا پابند ہے چین سے ہے، اُس کے گھر والے بھی چین سے ہیں۔ اس لیے ایک دیندار اللہ والی عورت سے اُس کے شوہر نے پوچھا کہ کیا میں داڑھی رکھ لوں، تو اُس کی بیوی نے کہا کہ ضرور رکھ لو۔ تم جب داڑھی رکھوگے تو تم ہمارے ہی رہوگے، دوسروں کے نہ بن سکوگے، کیوں کہ ٹیڈیاں آج کل کے داڑھی والوں کو پسند نہیں کرتیں، اس لیے تم فوراً رکھ لو۔ یہ کتنی بڑی چیز ہے۔ یہ آپ کے شہر حیدرآباد ہی کا واقعہ ہے۔ یہ اس کی نہایت ایمانداری کی بات ہے۔ نیک عورت چاہے گی کہ میرا شوہر اللہ والا ہوجائے، حضور صلی اللہ علیہ وسلم کی سنت کا غلام بن جائے۔ تو میں اس عورت کو مبارکباد پیش کرتا ہوں کہ نہایت ہی لائق خاتون ہے۔ اللہ اس کے درجات کو بلند فرمائے اور جزائے خیر دے۔
حضور صلی اللہ علیہ وسلم کے لائے ہوئے دین کی پہچان
تو لالوکھیت کے جعلی پیر کا واقعہ چل رہا تھا۔ اس پیر کے ایک مرید نے جب دیکھا کہ
