ماہنامہ انوار مدینہ لاہور دسمبر 2009 |
اكستان |
 |
ان میں سے ہر شخص کو جتنا اُس نے کچھ کیا اُس کا گناہ ہوا اور اِن میںسے جس نے اِس بہتان میں سب سے بڑھ چڑھ کر حصّہ لیا اُس کے لیے درد ناک سزا ہے۔'' حضرت عائشہ صدیقہ رضی اللہ عنہا کو تہمت لگانے کے سلسلے میں عبداللہ بن اُبی ابن ِسلول اور حضرت حسَّان اور حضرت مسطح اور حضرت حمنہ بنت ِجحش کا نام حدیث کی کتابوں میں مذکور ہے ،اِن میں عبداللہ بن اُبی ابن ِسلول تو منافقوں کا سردار تھا اور اُس نے اِس قصّہ کوآگے بڑھایا اور خوب اُچھالا تھا اور حضرت مسطح اور حضرت حسان اور حضرت حمنہ (عورت)یہ تینوں مخلص مسلمان تھے لیکن منافقوں کی باتوں میں آکر یہ بھی اِن کے ساتھ لگ گئے تھے ۔ قرآنی ضابطہ کے مطابق تہمت لگانے والوں کے ذمہ گواہ پیش کرناتھا لیکن وہ ایک بالکل ہی بے بنیاد خبر کو لیے پھرتے تھے گواہ کہاںسے لاتے نتیجہ یہ ہوا کہ نبی کریم ۖ نے تہمت لگانے والوںپر شرعی ضابطہ کے مطابق حَدِّ قذف یعنی تہمت لگانے کی سزا جاری فرمائی اوراَسّی اَسّی کوڑے لگائے تہمت لگانے کی یہ سزا بھی سورۂ نور کے پہلے رکوع میں مذکورہے ۔ آنحضرت سرور عالم ۖ کے دشمنوں نے جن میں منافقین بھی تھے جو مارِ آستین بنے ہوئے تھے آپ کے خلاف اپنی ساری تدبیریں صرف کرڈالیں اور آپ کو اَیذا پہنچانے کی جو جو صورتیں کسی کے ذہن میںآ سکتی تھیں وہ سب ہی اختیار کر لیں ۔ اُن کی طرف سے جو اَیذائیں آپ ۖ کو پہنچی ہیں اُن میں شاید یہ آخری سخت اور رُوحانی ایذا تھی کہ ازواجِ مطہرات میں جو آپ ۖ کو سب سے زیادہ محبوب تھیںاور جو مقدس ترین خاتون تھیں اُن پر اور اُن کے ساتھ حضرت صفوان بن معطل جیسے مقدس صحابی پر عبداللہ ابن اُبی منافق نے تہمت گھڑی پھر اُس کو رنگ دیا اور پھیلایا ۔ اِس بے اصل اور بے دلیل ہوائی تہمت کی وجہ سے حضرت اُم المؤمنین اور خود رسول اللہ ۖ کو جو رُوحانی ایذا پہنچی تھی حق تعالیٰ شانہ' نے اِس کے اَزالہ اَور صدیقہ رضی اللہ عنہاکی براء ت کے لیے وحی الٰہی کے کسی اِشارہ پر اکتفا نہیں فرمایا بلکہ قرآن کے تقریباً دو رکوع نازل فرمائے اور جو کوئی ایسی تہمت گھڑنے یا جو شخص اِس کے تذکرے میں حصّہ لے اُن سب کے لیے عذاب دینا اَور عذاب ِآخرت کی وعیدیں نازل فرمائیں ۔ در حقیقت اِس واقعۂ اِفکْ نے حضرت صدیقہ رضی اللہ عنہا کی عفت وتقدس کے ساتھ اُن کی اعلیٰ