ماہنامہ انوار مدینہ لاہور دسمبر 2009 |
اكستان |
 |
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٢٦شوال المکرم /١٦اکتوبر کومسجد ِ حامد کے صحن اور مرکزی دروازے اور بغلی دروازے کے زینے کی تعمیر کاکام مکمل ہوا، تقریبًا چھتیس لاکھ روپے سے زائد لاگت آئی۔ اللہ تعالیٰ قبول فرمائے اور اِس کام میںحصہ لینے والے حضرات کو جزائے خیر عطا فرمائے۔ ٩نومبر کو شیخ الحدیث حضرت مولانا سید محمود میاں صاحب ''تحفظ ِسنت کانفرنس'' میں شرکت کے لیے قصور تشریف لے گئے جہاں آپ نے دین کی عظمت اوردین پر استقامت کے موضوع پر بیان فرمایا۔ ١٣نومبر کو بہاولنگر سے مولانا عبدالستار صاحب اورلکی مروت سے حاجی امان اللہ صاحب اپنے بیٹے جناب رشید احمد صاحب کے ہمراہ جامعہ مدنیہ جدید تشریف لائے اور تین دن جامعہ میں قیام کیا۔ شیخ الحدیث حضرت مولانا محمدزکریا صاحب رحمة اللہ علیہ کے نواسے حضرت مولانامحمد شاہد صاحب مدظلہم العالی کی ماہ ِ نومبر میں مظاہر العلوم سہارنپور اِنڈیا سے پا کستان آمد ہوئی ۔ حضرت١٥نومبر کو بعد نماز عصر جامعہ مدنیہ جدید تشریف لائے۔ مسجد حامد میں دُعا کے بعد حضرت مولانا سید محمود میاں صاحب کی رہائش گاہ پر تشریف لے گئے جہاں آپ نے چائے نوش فرمائی اور مختلف اُمور پر گفتگو ہوئی ۔جامعہ کے تعلیمی وتعمیری اَحوال پر خوشی ومسرت کا اظہار کیا،بعد اَزاں واپس تشریف لے گئے۔ ٢٢نومبر کو جامعہ مدنیہ جدید کے اُستاذ الحدیث حضرت مولانا محمد حسن صاحب مدظلہ حج کے لیے تشریف لے گئے۔اللہ تعالیٰ قبول فرمائے اور آسان فرمائے،آمین۔