کتنی صورتوں میں اذان واجب الاعادہ ہے:
مسئلہ(٤٢)جب پانچ چیزیں اذان واقامت میں پائی جائیں تو از سرِ نو اذا ن دینا واجب ہوگا:
(١)جب مؤذن پرغشی طاری ہوجائے۔ (٢)یا مر جائے۔ (٣)یا اس کو کوئی حدث لاحق ہوگیا پس وہ گیا اوراس نے وضو کیا۔ (٤)یا اذان کے اندر اس و حصر لاحق ہوگیا (یعنی اذان دینے سے عاجز ہوگیا)اور کوئی تلقین کرنے والا نہ ہو۔ (٥)یا گونگا ہوگیا۔
(لکھنوی: ١٧٠۔ خلاصة الفتاوی)
کلمات اذان واقامت کی ادائیگی کا صحیح طریقہ اوراغلاط کی نشان دہی
کلمات اذان مع ترجمہ
اَللّٰہُ اَکْبَرْ ـ اَللّٰہُ اَکْبَرْ ـ اَللّٰہُ اَکْبَرْ ـ اَللّٰہُ اَکْبَرْ
اللہ سب سے بڑے ہیں
ادائیگی کا صحیح طر یقہ
اللہ اوراکبرہمزہ میں قوت اورسختی کے ساتھ۔لام ِاللہ کو ابتداہی سے خوب پُر پڑھا جائے ۔ لام کے الف میں مد طبعی کی وجہ سے صرف ایک الف کاقصر ہو،ہاء کا پیش خوب معروف اور بار یک ہو، واؤ مدہ کی بودے کر ادا کیا جائے ،راکوساکن اداکرتے ہوئے پُرپڑھا جا ئے ۔
اغلاط متوقعہ
(١)اللہ کوآللہ بالمدپڑ ھنا۔(٢)اللہ کے لام میں ایک الف سے زیادہ کھینچنا(٣)اللہ کے کاف میں قلقلہ کرنا۔(٤)باء کے زبرکو کھینچنا۔(٥)اکبرکوآکبربالمدپڑھنا۔ (٦) اکبرکواکبارپڑ ھنا۔(٧)اکبرکی راء پر ضمہ پڑھنا۔ (٨)اکبرکی راء کو پُرنہ پڑھنا۔