فیضانِ صحبتِ اولیاء
اَلْحَمْدُ لِلہِ وَکَفٰی وَسَلَامٌ عَلٰی عِبَادِہِ الَّذِیْنَ اصْطَفٰی اَمَّا بَعْدُ
فَاَعُوْذُ بِاللہِ مِنَ الشَّیْطٰنِ الرَّجِیْمِ
بِسْمِ اللہِ الرَّحْمٰنِ الرَّحِیْمِ
یٰۤاَیُّہَا الَّذِیۡنَ اٰمَنُوا اتَّقُوا اللہَ وَ کُوۡنُوۡا مَعَ الصّٰدِقِیۡنَ1؎
وَ قَالَ رَسُوْلُ اللہِ صَلَّی اللہُ عَلَیْہِ وَسَلَّمَ ھُمُ الْجُلَسَآءُ لَا یَشْقٰی جَلِیْسُھُمْ2 ؎
دین کی برکات کیسےملتی ہے؟
میرے دوستو اور بزرگو! یہ دین سید الا نبیاء صلی اﷲ تعالیٰ علیہ وسلم کے ذریعہ سب سے پہلے صحابہ کرام رضوان اللہ تعالیٰ علیہم اجمعین تک پہنچا ہے،اور صحا بی کے کیا معنیٰ ہیں؟ صحبت اٹھانے والا۔ عربوں کے پاس ایک ایک لفظ کی بے شمار لغات ہیں لیکن ا ﷲتعالیٰ نے ان کو صحا بی کا لقب عطا فر ما یا، رسول خدا صلی اﷲتعالیٰ علیہ وسلم نے ان کوصحابی کا لقب عطا فرمایا تاکہ قیامت تک کے مسلمانوں کو معلوم ہو جائے کہ دین کی برکات اہل اﷲکی صحبت سے، ان کے ساتھ رہنے سے نصیب ہوتی ہیں۔حکیم الامّت حضرت مولانا اشرف علی صاحب تھانوی رحمۃ اللہ علیہ اپنے وعظ میں اکبر الٰہ آبادی کا یہ شعر پڑھا کرتے تھے ؎
نہ کتابوں سے نہ وعظوں سے نہ زر سے پیدا
دین ہوتا ہے بزرگوں کی نظر سے پیدا
_____________________________________________
2؎ التوبۃ:119
2؎ صحیح البخاری: 948/2 (6443)،باب فضل ذکراللہ تعالی، المکتبۃ المظہریۃ
