دار فانی میں بالطف زندگی |
ہم نوٹ : |
 |
آرہا تھا اس نے زور سے ٹکر مار دی۔ ایک ٹانگ کی ہڈی ان کی کھسک گئی زخم آگیا، ہسپتال میں داخل ہوئے یہاں تک کہ ایک ٹانگ کاٹ دی گئی لیکن پھر بھی کچھ جراثیم رہ گئے، اسی میں چھ مہینے کے بعد وہ ختم ہوگئے ۔ حیدر آباد میں جب وہ بس سے اتر رہے تھے کیا ان کو خبر تھی کہ ابھی ایک سیکنڈ کے بعد میرے لیے موت کا پیغام آرہا ہے؟ کس وقت میں کیا ہوجائے ہر وقت اﷲ سے ڈرتے رہو۔ مبارک ہے وہ دل جو ہر وقت اﷲ سے ڈرتا رہے، مبارک ہے وہ سانس جو اﷲ کی رضا میں رہے، بہت منحوس ہے وہ گھڑی جس وقت کوئی اﷲ کی نافرمانی کی اسکیم اور نظام بناتا ہے، بہت منحوس ہے وہ دل جو اﷲ کی نافرمانی سے حرام لذت امپورٹ کرتا ہے، بہت منحوس وہ قدم ہیں جو گناہ کی طرف چلتے ہیں، بہت منحوس ہیں وہ ہاتھ جو گناہ کرتے ہیں، بہت منحوس ہیں وہ آنکھیں جو بدنظری کرتی ہیں۔ اﷲ تعالیٰ ہم سب کی حفاظت فرمائے ۔ بیویوں سے حسنِ سلوك اوراُس كی بركات تین مضمون مجھے اس وقت سنانے تھے جن میں سے ایک مضمون بیان ہوگیا۔ دوسرا مضمون یہ ہے جو پہلے بھی عرض کیا تھا اور عرض کرتا رہتا ہوں کہ اﷲ تعالیٰ نے خواتین کے بارے میں ایک سفارشی آیت نازل فرمائی ہے: وَ عَاشِرُوۡہُنَّ بِالۡمَعۡرُوۡفِ 5؎یہ ہماری بندیاں ہیں، ان کے ساتھ بھلائی سے پیش آؤ۔ حضرت تھانوی رحمۃ اﷲ علیہ نے لکھا ہے کہ ایک تھانے دار کی بیوی ہر وقت اس کے سامنے کٹ کٹ کٹ کٹ کرتی تھی، ہر وقت لڑتی تھی تو اس نے حضرت کو لکھا کہ حضرت! میں بہت تنگ آگیا ہوں، میرا گھر دوزخ بن گیا ہے،میری عورت بڑی بد زبان اور بہت بدتمیز ہے۔ حضرت نے لکھا کہ تم اس کو یہ سمجھ لو یہ شیطان کی مینا ہے ، اس کی بولی ہی یہ ہے لہٰذا چڑیا گھر دیکھنے کے بجائے تمہارے گھر میں چڑیا خانہ بن گیا ہے، بلا ٹکٹ سن لیا کرو، یہ سمجھ لیا کرو کہ شیطان کی مینا اپنا ٹی ٹی کر رہی ہے اور تمہارا ٹکٹ بھی نہیں لگ رہا ہے، آرام سے مزے لے لو۔ تو اس نے حضرت کو لکھا کہ حضرت! اس تصور _____________________________________________ 5؎النساء:19