کیف روحانی کیسے حاصل ہو ؟ |
ہم نوٹ : |
|
وَ بَلَغَتِ الۡقُلُوۡبُ الۡحَنَاجِرَ اور ان پر شدید زلزلہ طاری ہوگیا: وَ زُلۡزِلُوۡا زِلۡزَالًا شَدِیۡدًا 9؎تو جب نظر بچانے سے تمہارے دل پر زلزلہ طاری ہوگا تو اس شدید زلزلے سےصحابہ کرام رضی اللہ عنہم کی یہ سنت ادا ہوجائے گی۔ نظر کی حفاظت سے جتنا مجاہدہ ہوگا، جتنا غم ہوگا اس سے پیٹرول بنے گا اور اس پیٹرول سے قوتِ پر واز عطا ہوگی کیوں کہ حدیثِ پاک میں نظر بچانے پر حلاوتِ ایمانی کا وعدہ ہے۔ متقی لوگوں کی حیات بالطف ہوجاتی ہے تو میں عرض کررہا تھا کہ اگر چین سے رہنا ہے تو گناہوں سے بچنا پڑے گا، اب لوگ کہتے ہیں کہ ملّا دنیا چھڑاتا ہے، ملّا ہمارے عیش کو چھینتا ہے، نہ جانے کس ملّا کے پلے پڑگئے ہیں، اختر نے تو جن ملاؤں کی جوتیاں اٹھائی ہیں وہ تو یہی کہتے تھے کہ گناہ سے بچنے میں بڑا مزہ ہے، بڑا لطف ہے،اور ہمارا مالک جن کے یہ ملّا لوگ وکیل ہیں وہ مالک، وہ اﷲ تعالیٰ قرآن میں فرمارہے ہیں کہ فَلَنُحۡیِیَنَّہٗ حَیٰوۃً طَیِّبَۃً 10؎اگر تم ایمان لاؤ اور اعمالِ صالحہ کروتو ہم تمہیں ضرور بالضرور لطف والی زندگی دیں گے۔ اب بتائیے کہ کس نے کہا کہ ملّا بننے سے لطف ختم ہوجاتا ہے؟ دیکھو جس نے پیدا کیا ہے وہ کیا فرمارہے ہیں؟ وہ قرآنِ پاک میں اعلان فرمارہے ہیں کہ اگر پریشانی کی زندگی خریدنا ہے تو ہمیں چھوڑ کر چلے جاؤ، پھر جہاں جاؤ گے نافرمانیوں میں مبتلا ہوجاؤگے کیوں کہ فَاِنَّ لَہٗ مَعِیۡشَۃً ضَنۡکًا 11؎ _____________________________________________ 9؎الاحزاب:10-11 10؎النحل:97 11؎طٰہٰ:124