صحبت شیخ کی اہمیت |
ہم نوٹ : |
 |
صحبتِ شیخ کی اہمیت نَحْمَدُہٗ وَ نُصَلِّیْ عَلٰی رَسُوْلِہِ الْکَرِیْمِ ضروریاتِ دین کا سیکھنا فرض ہے آج ایک اہم بات یہ بتانا ہے کہ دین کے ضروری مسائل کا سیکھنا ہر مسلمان پر فرض ہےمثلاً چار رکعات والے فرضوں میں پہلی دو رکعات میں فاتحہ کے بعد سورت ملاتے ہیں اور آخری دو رکعات میں نہیں ملاتے جبکہ چار رکعات والی سنتوں میں ہر رکعت میں فاتحہ کے بعد سورت ملاتے ہیں۔ اب ایک شخص نے ظہر کی چار سنتیں ہمیشہ ایسی پڑھیں کہ پہلی دو رکعات میں فاتحہ کے بعد سورت ملاتا تھا اور دو میں سورت نہیں ملاتا تھا۔ حضرت مولانا شاہ ابرار الحق صاحب نے فرمایا کہ ایک مرتبہ اس بستی میں ایک عالم آئے، انہوں نے بیان کیا کہ چار سنتوں کی چاروں رکعات میں فاتحہ کے بعد سورت پڑھنا ضروری ہے۔ اب وہ بڈھا جس نے ساٹھ سال تک غلط نماز پڑھی تھی سر پکڑ کر رونا شروع ہوگیا، عالم صاحب نے پوچھا کہ بھئی کیوں رو رہے ہو؟اس نے کہا کہ ساٹھ سال کی عبادت ضایع ہوگئی، صحیح مسئلہ آج معلوم ہوا۔ اسی لیے اﷲ سبحانہٗ وتعالیٰ فرماتے ہیں: فَسۡـَٔلُوۡۤا اَہۡلَ الذِّکۡرِ اِنۡ کُنۡتُمۡ لَا تَعۡلَمُوۡنَ 1 ؎اگر تم لَاتَعْلَمُوْنَ ہو تو یَعْلَمُوْنَ کے پاس کیوں نہیں جاتے، جب تم کو علم نہیں ہے تو علماء سے پوچھو۔ ابھی اگر جائیداد لکھوانی ہو یا کوئی مکان لینا ہو پھر تو آپ بہت اچھا وکیل تلاش کرتے ہیں اور اس سے کہتے بھی ہیں کہ وکیل صاحب ذرا اس میں ایک لفظ ایسا ڈال دیجیے کہ آیندہ میری پراپرٹی یعنی جائیداد میں کوئی گڑبڑی نہ ہو، مگر جنت کی جائیداد لینے کے لیے کچھ _____________________________________________ 1؎النحل:43